ইউনিলিভাৰে আঁতৰাব আইচক্ৰীম ব্যৱসায় : বৰ্খাস্ত কৰিব ৭৫০০ শ্ৰমিকক 

হিন্দুস্তান ইউনিলিভাৰে নিজৰ আইচক্ৰীম কোম্পানীটোক মূল কোম্পানীৰ পৰা পৃথক ৰিব। ফলত নতুন ব্যৱসায়িক আন্তঃগাঁথনি গঢ়ি তোলাৰ বাবে প্ৰায় ৭৫০০ কৰ্মচাৰীক বৰ্খাস্ত কৰিব কোম্পানীটোৱে।

মঙলবাৰে কোম্পানীটোৱে এক বিবৃতিত কয় যে পৰিকল্পিত প্ৰকল্প সম্পূৰ্ণ হ’বলৈ আৰু এবছৰ সময় লাগিব। কোম্পানীটোৰ এই পৰিৱৰ্তনে বিশ্বৰ ৭৫০০ কৰ্মচাৰীক প্ৰভাৱিত কৰিব পাৰে। বিশেষকৈ কাৰ্যালয়ৰ কৰ্মীসকলে চাকৰি হেৰুৱাব পাৰে। 

ব্যৱসায়ৰ পুনৰ্গঠন কৰিবলৈ কোম্পানীটো বিপুল পৰিমাণৰ ধনৰ প্ৰয়োজন। যিটো অহা ৩ বছৰৰ বাবে কোম্পানীটোৰ টাৰ্ণঅভাৰৰ ১.২ শতাংশৰ সমান।

ইউনিলিভাৰৰ অধ্যক্ষ ইয়ান মিকিন্সে কয় যে, ‘ইউনিলিভাৰৰ ব্যৱসায়ক অধিক লাভজনক কৰি তুলিবলৈ ব’ৰ্ড দৃঢ়প্ৰতিজ্ঞ। আমি ইউনিলিভাৰক শীৰ্ষলৈ লৈ যাব বিচাৰো। যাতে সকলো সামগ্ৰী কোম্পানীটোৰ অংশীদাৰসকলৰ ওচৰত সময়মতে ডেলিভাৰী কৰা হয়। আমি আমাৰ প্ৰদৰ্শন বৃদ্ধি কৰি কোম্পানীটোৰ উন্নতি সাধন কৰিবলৈ সক্ষম হ’ম’।

ইউনিলিভাৰৰ মতে, কোম্পানীটোৱে বিশ্বাস কৰে যে তেওঁলোকৰ আন বিশ্বমানৰ শক্তিশালী কোম্পানীসমূহৰ সৈতে প্ৰতিযোগিতা কৰাৰ ক্ষমতা আছে। ইয়াৰ উপৰিও আইচক্ৰীম বিভাগটো পৃথক কৰাৰ সুবিধাটো হ’ল ইউনিলিভাৰে বিশ্বৰ অন্যান্য আইচক্ৰীম কোম্পানীসমূহৰ সৈতে যাতে প্ৰতিযোগিতামূলক ব্যৱসায় কৰিব পাৰে।

ইউনিলিভাৰৰ চিইঅ’ হেন শ্বুমাচাৰে কয় যে আমি আমাৰ ব্যৱসায়ক মনত ৰাখি বিভিন্ন পৰিৱৰ্তনৰ কথা ঘোষণা কৰিছো। বিশ্বৰ আন ব্ৰেণ্ডৰ সৈতে প্ৰতিযোগিতা কৰিবলৈ আমি এই পৰিকল্পনা গ্ৰহণ কৰিবলগীয়া হৈছে। নতুন প্ৰযুক্তিৰ ব্যৱহাৰৰ জৰিয়তে কোম্পানীটোৰ লাভ বৃদ্ধি কৰাটোৱেই মূল উদ্দেশ্য।