বিশ্ব কঁপাই যোৱা ঘটনা : অপহৰণ আৰু হত্যাৰ সন্দেহত মহিলাক নাঙঠ কৰি কোবাই কোবাই হত্যা কৰিলে উন্মাদ জনতাই

সংঘটিত হৈছে বিশ্ব কঁপাই যোৱা এটা ঘটনা। ভাইৰেল হৈ পৰিছে হত্যাৰ ভিডিঅ’। মেক্সিকোৰ পৰ্যটন চহৰ টেক্সকোত বৃহস্পতিবাৰে এগৰাকী মহিলাক নিৰ্মমভাৱে প্ৰহাৰ কৰি হত্যা কৰে উন্মাদ জনতাই।

অভিযোগ অনুসৰি এগৰাকী ৮ বছৰীয়া নাবালিকাক হত্যা কৰিছিল মহিলাগৰাকীয়ে। হত্যাৰ সন্দেহ বিয়পি পৰাৰ পিছতেই মহিলাগৰাকীক লৈ ৰাস্তাত সমদল কৰে ক্ষোভিত জনতাই। তাৰপিছত ৰাজপথতে মহিলাগৰাকীৰ কাপোৰ ফালি কোবাই কোবাই নৃশংসভাবে হত্যা কৰে উন্মত্ত দলটোৱে।

বুধবাৰে এগৰাকী ৮ বছৰীয়া নাবালিকা গৰাকী নিৰুদ্দেশ হোৱাৰ পিছতে ক্ষোভিত জনতাৰ দল এটা ওলাই আহে।

বৃহস্পতিবাৰে পুৱা চহৰৰ বাহিৰৰ এটা পথত উদ্ধাৰ হয় নাবালিকাগৰাকীৰ মৃতদেহ। প্ৰাথমিক তদন্তৰ পিছত নিৰাপত্তাৰক্ষীয়ে লাভ কৰে চিচি টিভৰ এটা ফুটেজ।  উক্ত ভিডিঅ’ত দেখা যায় যে নিহত মহিলাগৰাকীয়ে এজন পুৰুষৰ লগ হৈ গাড়ীৰ ভিতৰত এটা বস্তা ভৰাইছে। ইয়াৰ পৰাই আৰম্ভ হয় হত্যাৰ সন্দেহ। 

ভিডিঅ’টো প্ৰচাৰ হোৱাৰ পিছতেই ক্ষোভিত জনতাই মহিলাগৰাকীৰ ঘৰত প্ৰৱেশ কৰে। তাৰপিছত আৰক্ষীয়ে মহিলাগৰাকীক আৰক্ষীৰ গাড়ীত উঠাই লৈ যায়। কিন্তু উন্মাদ জনতাই আৰক্ষীৰ গাড়ীতে আক্ৰমণ কৰে মহিলাগৰাকীক। তাৰপিছত অসহায় আৰক্ষীৰ সমুখতেই গাড়ীৰ পৰা নমাই আনি উলংগ কৰি গুৰুলাগুৰুলকৈ প্ৰহাৰ কৰে মহিলাগৰাকীক।

🔥GRAPHIC🚨BREAKING NEWS: an 8-year-old girl, was kidnapped and murdered by the mother and father of her best friend and neighbor in Taxco.

The kidnapper and murderer is the mother of the girl’s best friend and her husband, who kidnapped her yesterday when she was playing with… pic.twitter.com/yPoOHKkZV7

— Dom Lucre | Breaker of Narratives (@dom_lucre) March 30, 2024

পিছত প্ৰশাসনে নিশ্চিত কৰে যে আঘাতৰ ফলত মহিলাগৰাকীৰ মৃত্যু হৈছে। জানিব পৰা মতে ইতিমধ্যে মহিলাগৰাকীৰ অন্তোষ্টিক্ৰিয়া সম্পন্ন হৈছে।