অন্ধ ভক্তৰ কাণ্ড! মোদীৰ বিজয় কামনাৰে নিজৰ হাতৰ আঙুলি কাটি অপৰ্ণ কৰিলে কালী মন্দিৰত

অন্ধভক্তৰ কথা শুনিলে বা তেওঁলোকৰ কাণ্ড দেখিলে চকু কপালত উঠিব যিকোনো যুক্তিবাদী বা সজাগ ব্যক্তিৰ। এইবাৰ এজন অন্ধভক্তই সংঘটিত কৰিলে এক অদ্ভুত কাণ্ড।

কৰ্ণাটকৰ এজন ভক্তই নিজৰ বাওঁ হাতৰ তৰ্জনী আঙুলি কাটি উছৰ্গা কৰিলে দেৱীৰ ওচৰত।  প্ৰধানমন্ত্ৰী মোদীৰ পৰম ভক্ত হিচাপে পৰিচিত এই ব্যক্তিগৰাকীৰ নাম অৰুণ ভাৰ্ণেকৰ।

নিজৰ হাতৰ আঙুলি কাটি দেৱীৰ ওচৰত অৰ্পণ কৰি তেওঁ তেজেৰে লিখিছে- নৰেন্দ্ৰ মোদীৰ বিজয়ৰ কামনাৰে এই ত্যাগ। 

ভাৰ্ণেকৰে বাবা হিচাপে অভিহিত কৰিছে নৰেন্দ্ৰ মোদীক। মোদী তৃতীয়বাৰৰ বাবে দেশৰ প্ৰধানমন্ত্ৰী হোৱাতো কামনা কৰিছে  ভাৰ্ণেকৰে।

অন্ধভক্ত গৰাকীয়ে চীন আৰু পাকিস্তানৰ সৈতে সংঘাত বন্ধ হোৱা আৰু কাশ্মীৰলৈ শান্তি ঘূৰি অহাৰ কাৰণ হিচাপে প্ৰধানমন্ত্ৰী মোদীৰ নেতৃত্বক প্ৰশংসা কৰে। 

জানিব পৰা মতে মুম্বাইৰ চলচ্চিত্ৰ উদ্যোগৰ এগৰাকী প্ৰাক্তন কৰ্মী অৰুণ ভাৰ্ণেকাৰ। 

ভাৰ্ণেকৰৰ ভক্তিৰ চৰম প্ৰদৰ্শন এয়া নতুন নহয়; ২০১৯ চনৰ নিৰ্বাচনতো তেওঁ একেধৰণৰ ত্যাগৰ চেষ্টা কৰিছিল যদিও বিফল হৈছিল। 

ইপিনে এই ঘটনা সন্দৰ্ভত বিজেপি কৰ্মী জগদীশ নাইকে কয় – “এয়া উন্মাদনা। এনেবোৰ কাম কৰাৰ পৰিৱৰ্তে তেওঁ মানুহক মোডীৰ সাফল্যৰ কথা ক’ব লাগিব। তেতিয়াগে মোদী সুখী হ’ব।’’

স্থানীয় বিজেপি নেতা নন্দ কিশোৰে কয়, ‘এয়া সঁচাকৈয়ে চাঞ্চল্যকৰ। যুৱক-যুৱতীসকলক এনে কাৰ্যত লিপ্ত নহ’বলৈ আহ্বান জনাইছো। আমি সকলোৱে বিচাৰো মোদী জয়ী হওক। আপুনি মোদীৰ প্ৰতি আপোনাৰ প্ৰেম দেখুৱাব পাৰে। কিন্তু এইদৰে নহয়।”