কুম্ভকৰ্ণ নিদ্ৰাত অমিত শ্বাহৰ গৃহ মন্ত্ৰালয়! চোনম ৱাংচুকৰ গৃহ মন্ত্ৰালয়লৈ প্ৰশ্ন

কেন্দ্ৰীয় শাসিত অঞ্চল আৰু ইয়াৰ জনসাধাৰণৰ বাবে সাংবিধানিক সুৰক্ষাৰ দাবীত প্ৰতিবাদত আগভাগ লোৱা লাডাখী উদ্ভাৱক তথা কৰ্মী চোনম ৱাংচুকে ছ’চিয়েল মিডিয়াত তেওঁক ট্ৰ’ল কৰা সকলোৰে সৈতে কেন্দ্ৰীয় গৃহ মন্ত্ৰালয়ৰ মাজত কোনো সম্পৰ্ক আছে নেকি বুলি প্ৰশ্ন উত্থাপন কৰিছে।

সমগ্ৰ লাডাখ আৰু কাৰ্গিলৰ বিভিন্ন দল-সংগঠনে অনশন কাৰ্যসূচী গ্ৰহণ কৰা ৫১ সংখ্যক প্ৰতিবাদৰ দিনটোত ৱাংচুকে আন্দোলন সন্দৰ্ভত তেওঁৰ পোষ্টত লাভ কৰা বিভিন্ন ধৰণৰ ট্ৰলিঙৰ বিষয়ে বিতংভাৱে প্ৰকাশ কৰি এটা ভিডিঅ’ প্ৰকাশ কৰে। উদ্ভাৱকজনে কয় যে তেওঁক চিআইএৰ এজেণ্ট বুলি কোৱা হৈছে, আমেৰিকাৰ দানবীৰ জৰ্জ ছ’ৰ’ছৰ পৰা ধন লাভ কৰাৰ অভিযোগ আৰু চীনৰ পৰা ধন লৈ ভাৰতৰ অপপ্ৰচাৰত লিপ্ত হোৱাৰ অভিযোগেৰে চোনমক ট্ৰ’ল কৰা দেখা গৈছে।

চীনা পুঁজিৰ অভিযোগত ৱাংচুকে কয়, “কেৱল মোৰ বাবেই নহয়, লাডাখৰ সকলো জনসাধাৰণৰ বাবেও আঘাতজনক, কাৰণ আমি ভাৰতক চীনৰ আগ্ৰাসনৰ পৰা ৰক্ষা কৰি আহিছোঁ, আৰু এনে পৰিস্থিতিত এই অভিযোগবোৰ অতি আমাৰ বাবে অতি দুখঃজনক”।