নাই কোনো গোচৰ, নাই কোনো সম্পত্তিৰ পাহাৰ : কিন্তু ১ কোটি টকাৰ কিতাপ আছে এইগৰাকী জ্ঞানপিপাসু প্ৰাৰ্থীৰ

তৃণমূলৰ ‘হেভিৱেট’ নেতা কল্যাণ বেনাৰ্জী। পেচাত তেওঁ এগৰাকী অধিবক্তা। ইয়াৰ পূৰ্বে তিনিবাৰকৈ সাংসদ হিচাপে নিৰ্বাচিত হৈছে তেওঁ।  শ্ৰীৰামপুৰ সমষ্টিৰ তৃণমূলৰ প্ৰাৰ্থী কল্যাণ বেনাৰ্জীৰ মুঠ সম্পত্তি জানেনে?

বেনাৰ্জীয়ে দাখিল কৰা শপতনামা অনুসৰি ২০১৮-১৯ চনৰ পৰা ২০২২-২৩ চনলৈ তেওঁৰ বাৰ্ষিক আয় ক্ৰমে ৩ কোটি ৭৯ লাখ ৩৭ হাজাৰ ৮২০ টকা, ২ কোটি ১২ লাখ ১৭ হাজাৰ ৩৬৯টকা, ৩ কোটি ৪৪ লাখ ৯৯ হাজাৰ ১২৩ টকা, ৪ কোটি ৩২ লাখ ৩৩ হাজাৰ ৫৪৪ টকা আৰু ৪ কোটি ৩২ লাখ ৬৩ হাজাৰ ২৬৬ টকা।

বিগত পাঁচ বছৰত কল্যাণ বেনাৰ্জীৰ পত্নীৰ আয় ক্ৰমে ২ লাখ ৭৫ হাজাৰ ১২ টকা, ২ লাখ ৬০ হাজাৰ ২৫৪ টকা, ২ লাখ ৬০ হাজাৰ ২৫০ টকা, ২ লাখ ৮৮ হাজাৰ ৫৩০ টকা আৰু ৩ লাখ ২৫ হাজাৰ ৬০০ টকা।

শপতনামাত উল্লেখ কৰা অনুসৰি বেনাৰ্জীৰ আয়ৰ উৎস হ’ল আইনী মাচুল, বেংক আৰু বিনিয়োগৰ পৰা সুদ আৰু ঘৰৰ পৰা পোৱা ভাড়া। পত্নীৰ উপাৰ্জনৰ উৎস হৈছে শাৰী ব্যৱসায় আৰু বেংক আৰু বিনিয়োগৰ পৰা পোৱা সুদ।

তদুপৰি, বেনাৰ্জীৰ আছে উত্তৰাধিকাৰী সূত্ৰে পোৱা ৫০০ বৰ্গফুট মাটি, যাৰ মূল্য ৭ লাখ টকা। দিল্লীৰ বৃহত্তৰ কৈলাশৰ হৰিশ চেটাৰ্জী ৰোডত এটা ঘৰ আছে বেনাৰ্জীৰ। ১১ লাখ ৯৬ হাজাৰ টকাৰ হোম লোন আছে কল্যাণ বেনাৰ্জীৰ, গাড়ী কিনিবলৈও ১ লাখ ৬৪ হাজাৰ ২৫৫ টকাৰ ঋণ লৈছিল।

মুঠতে তৃণমূল নেতাগৰাকীৰ স্থাৱৰ সম্পত্তি ২৪ কোটি ২০ লাখ ১৭ হাজাৰ ৯৩৫ টকা। অস্থাৱৰ সম্পত্তি ৩ কোটি ৫০ লাখ ১০ হাজাৰ টকা। লগতে তেওঁৰ আছে ১৩ লাখ ৬০ হাজাৰ ৩৯৮ টকাৰ ঋণ।

আনহাতে পত্নী চিত্ৰ বেনাৰ্জীৰ স্থাৱৰ সম্পত্তি ২ কোটি ৭১ লাখ ৪১ হাজাৰ ৫৩৬ টকা। অস্থাৱৰ সম্পত্তিৰ পৰিমাণ ১৩ লাখ ১০ হাজাৰ টকা।

কল্যাণৰ হাতত আছে প্ৰায় ২৩ লাখ টকাৰ টয়োটা ইনোভা ক্ৰীষ্টা, ৪.৮১ লাখ টকাৰ টয়োটা ক’ৰ’লা আলটিছ। ১৫ লাখ টকাৰ সোণৰ গহনা আছে বেনাৰ্জীৰ। কল্যাণ বেনাৰ্জীৰ ব্যক্তিগত পুথিভঁৰালত আছে ১ কোটি টকাৰ কিতাপ। পত্নীৰ হাতত আছে ২ কোটি ৭১ লাখ ৪১ হাজাৰ ৫৩৬ টকাৰ গহনা। কল্যাণ বেনাৰ্জীৰ বিৰুদ্ধে নাই কোনো অপৰাধমূলক গোচৰ।