ডক্টৰেট ডিগ্ৰী লাভ কৰিলে মেকুৰীয়ে; কিয় দিয়া হ’ল এই সন্মান?

আমেৰিকাৰ ভাৰমন্ট প্ৰদেশৰ এখন বিশ্ববিদ্যালয়ত শনিবাৰে ছাত্ৰ-ছাত্ৰীৰ স্নাতক শিক্ষাৰ্থীসকলৰ সমাৱৰ্তন অনুষ্ঠান সম্পন্ন হয়। এই অনুষ্ঠানৰ পৰিপ্ৰেক্ষিততে মেক্স নামৰ মেকুৰী এটাক সন্মানীয় ‘ডক্টৰেট’ ডিগ্ৰী প্ৰদান কৰা হৈছে।

ভাৰম’ণ্ট ষ্টেট ইউনিভাৰ্চিটিৰ কেষ্টলটন কেম্পাছে মেকুৰীটোক এন্দুৰ চিকাৰ কৰাৰ বাবে নহয়, বন্ধুত্বপূৰ্ণ আচৰণৰ বাবে সন্মানীয় ডক্টৰেট ডিগ্ৰী প্ৰদান কৰে।

লগতে পঢ়কঃ বীভৎস! পৰকীয়া প্ৰেমৰ সন্দেহত পত্নীৰ গুপ্তাংগত স্বামীয়ে ওলমালে তলা

বিশ্ববিদ্যালয়খনৰ কেষ্টলটন কেম্পাছৰ পৰা ফেচবুক পোষ্টত কোৱা হৈছে যে মেক্স মেকুৰীটো বহু বছৰ ধৰি কেছলটন পৰিয়ালৰ প্ৰিয় সদস্য হৈ আছে।

কেম্পাছৰ মূল গেটৰ সন্মুখত ৰাস্তাৰ কাষতে থকা ঘৰ এটাৰ পৰিয়ালৰ সদস্যসকলৰ সৈতে থাকে সকলোৰে প্ৰিয় মেকুৰীটো।

মেক্স অৱশ্যে ছাত্ৰ-ছাত্ৰীসকলৰ স্নাতক সমাৱৰ্তন অনুষ্ঠানত উপস্থিত নাছিল। পিছত তাৰ ডিগ্ৰীৰ প্ৰমাণ পত্ৰ ঘৰলৈ পঠিয়াই দিয়া হ’ব।