দেশত ১ জুনৰ পৰা ড্ৰাইভিং লাইচেন্সৰ নিয়ম নিৰ্ধাৰণ কৰিছে কেন্দ্ৰই; কি আছে নতুন নিয়মত?

পথ পৰিবহণ আৰু ঘাইপথ মন্ত্ৰালয়ে ১ জুনৰ পৰা কাৰ্যকৰী হোৱাকৈ নতুন নিয়ম ঘোষণা কৰিছে, যিয়ে ড্ৰাইভিং লাইচেন্স লাভৰ প্ৰক্ৰিয়াত নিৰাপদ আৰু সহজ সহায় কৰিব।

মন্ত্ৰালয়ে জনোৱা মতে, এতিয়া আঞ্চলিক পৰিবহণ কাৰ্যালয় (আৰ টি অ’)ৰ পৰা লোৱাৰ পৰিৱৰ্তে প্ৰমাণিত ড্ৰাইভিং স্কুলৰ পৰা ড্ৰাইভিং টেষ্ট দিব পাৰিব। ইয়াৰ ফলত প্ৰক্ৰিয়াটো দ্ৰুত আৰু অধিক জঞ্জালমুক্ত হ’ব।

ইয়াৰ উপৰিও ড্ৰাইভিং টেষ্ট দিবলৈ আৰু আৰ টি অ’লৈ যোৱাৰ প্ৰয়োজন নাই। প্ৰশিক্ষণৰ বাবে নূন্যতম মাটি থকা ড্ৰাইভিং স্কুলে (দুচকীয়া বাহনৰ বাবে ১ একৰ, চাৰিচকীয়া বাহনৰ বাবে ২ একৰ) ১ জুনৰ পৰা ড্ৰাইভিং পৰীক্ষা লব পাৰিব। দ্বিতীয়তে, যোগ্য প্ৰশিক্ষকৰ হাইস্কুল ডিপ্লমাৰ লগতে কমেও ৫ বছৰৰ অভিজ্ঞতা আৰু আই টি ব্যৱস্থাৰ আৰু জ্ঞান থাকিব লাগিব।

লগতে পঢ়কঃ ক্ৰিকেটৰ শিশু আমেৰিকাৰ হাতত লজ্জাজনক পৰাজয়; টী-২০ শৃংখলাত মুখথেকেচা বাংলাদেশৰ

নতুন নিয়ম অনুসৰি যান-বাহন উলংঘাৰ ক্ষেত্ৰত কঠোৰ শাস্তিও প্ৰৱৰ্তন কৰা হৈছে। ইয়াৰ ভিতৰত বৈধ ড্ৰাইভিং লাইচেন্স অবিহনে গাড়ী চলোৱাৰ ক্ষেত্ৰত ২০০০ টকাৰ জৰিমনাও আছে। আকৌ গাড়ী চলাই ধৰা পৰা নাবালকক ২৫ হাজাৰ টকাৰ জৰিমনা বিহা হ’ব। সেইদৰে, তেওঁলোকৰ পিতৃ-মাতৃয়েও আইনী ব্যৱস্থাৰ সন্মুখীন হ’ব আৰু বাহনখনৰ পঞ্জীয়নো বাতিল কৰা হ’ব।