তিনিচুকীয়াত আৰক্ষীৰ জিম্মাত যুৱকৰ মৃত্যু : ছাগলী চুৰিৰ অভিযোগত গ্ৰেপ্তাৰ কৰিছিল আৰক্ষীয়ে

তিনিচুকীয়াত দেওবাৰে আৰক্ষীৰ জিম্মাত ছাগলী চুৰিৰ অভিযোগত অভিযুক্ত ২২ বছৰীয়া যুৱকৰ মৃত্যু হোৱা বুলি জানিব পৰা গৈছে।

আৰক্ষীৰ মতে, লক আপৰ ভিতৰতে আত্মহত্যা কৰে যুৱকজনে।

সূত্ৰৰ পৰা জানিব পৰা মতে, নিহত যুৱকজন টঙনাৰ মাজগাঁও অঞ্চলৰ বাসিন্দা ধনজিৎ মৰাণ বুলি চিনাক্ত কৰা হৈছে।

দেওবাৰে থানাৰ লকআপৰ ভিতৰতে মৰাণে আত্মহত্যা কৰা বুলি খবৰ ওলোৱাৰ পিছতে স্থানীয় লোকে আৰক্ষীৰ বিৰুদ্ধে প্ৰতিবাদ সাব্যস্ত কৰি আৰক্ষীৰ জিম্মাত কেনেকৈ আত্মহত্যা কৰিব পাৰিলে সেই সম্পৰ্কে তদন্তৰ দাবী জনায়।

আনকি একাংশ স্থানীয় লোকে দাবী কৰে যে তেওঁক কৰ্তব্যৰত আৰক্ষীয়ে আক্ৰমণ কৰিছিল।

ঘটনা সন্দৰ্ভত তদন্ত আৰম্ভ কৰা হৈছে।