মিথ্যাৰ মায়াজাল ৰচিছে প্ৰধানমন্ত্ৰী মোদীয়ে- অভিযোগ মল্লিকাৰ্জুন খৰ্গেৰ

প্ৰধানমন্ত্ৰীয়ে কৰ্মসংস্থাপনৰ বিষয়ত বিৰোধীয়ে মিছা প্ৰচাৰ চলাইছে বুলি কোৱা কথাষাৰে যথেষ্ট তাৎপৰ্য বহন কৰিছে। কংগ্ৰেছৰ সভাপতি মল্লিকাৰ্জুন খৰ্গেয়ে দেওবাৰে প্ৰতি আক্ৰমণত তেওঁক ‘মিছলীয়া’ বুলি অভিহিত কৰে। শনিবাৰে মহাৰাষ্ট্ৰত বিভিন্ন প্ৰকল্প উদ্বোধন কৰি প্ৰধানমন্ত্ৰীয়ে দাবী কৰে যে চাৰি বছৰত ৮ কোটি চাকৰিৰ পৰিসংখ্যাই বিৰোধীক নীৰৱ কৰি তুলিছে। বিৰোধীয়ে যে মৌনতা অৱলম্বন কৰা নাই সেই কথা দেখুৱাই খৰ্গে আজি অভিযোগ কৰে যে প্ৰধানমন্ত্ৰীয়ে মিথ্যা প্ৰচাৰ কৰিছে।

শনিবাৰে মুম্বাইত ২৯ হাজাৰ কোটি টকাৰ আন্তঃগাঁথনি প্ৰকল্প উদ্বোধন কৰি মোদীয়ে ভাষণত ৰিজাৰ্ভ বেংকৰ তথ্যৰ ওপৰত আলোকপাত কৰি কয় যে ২০২৩-২৪ চনত  ৪.৭ কোটি টকাৰ চাকৰিৰ সৃষ্টি হৈছে।কালি বিয়লি লক্ষ্ণৌত এখন দলীয় বৈঠকত বিজেপিৰ সভাপতি জে পি নাড্ডাই বিৰোধীক ধ্বংস কৰিবলৈ চেষ্টা কৰি কয় যে, “মই ভাবো তেওঁলোক (বিৰোধী) নিৰক্ষৰ। তথাপি তেওঁলোকে কৰ্মসংস্থাপনৰ কথা কয়, মুদ্ৰাস্ফীতিৰ কথা কয়। বিভিন্ন কথা কয়, কিন্তু একো নাজানে।” নাড্ডাই মুখ মেলাৰ আগতেই অৱশ্যে খৰ্গে দুপৰীয়া অভিযোগ লৈ আহি পালেহি।

খৰ্গেই প্ৰধানমন্ত্ৰীক তিনিটা প্ৰশ্ন উত্থাপন কৰে – চাৰি বছৰত এন আৰ এয়ে এটাও পৰীক্ষা নিদিলে কিয়? এন আৰ এৰ বাবে আবণ্টিত ১৫১৭ কোটি পুঁজিৰ ভিতৰত মাত্ৰ ৫৮ কোটি টকা কিয় ব্যয় হৈছে? সংৰক্ষণৰ সুবিধা কাঢ়ি নিবলৈ এন আৰ এক খেদি ফুৰিছে নেকি? খৰ্গেই লগতে কয়, ৰাষ্ট্ৰীয় পৰীক্ষণ সংস্থাৰ অৰ্থ হ’ল পৰীক্ষাৰ অনিয়ম আৰু প্ৰশ্ন ফাদিল।সেই পক্ষৰ কোনো পৰীক্ষা নিদিলে এন আৰ এয়ে। বিজেপি-আৰএছএছে শিক্ষা ব্যৱস্থা ধ্বংস কৰি যুৱক-যুৱতীসকলৰ ভৱিষ্যত ধ্বংস কৰিব বিচাৰিছে। এন আৰ এৰ বিষয়টো আগতেও উত্থাপন কৰিছোঁ। কিন্তু মোদী চৰকাৰ নিমাত।