ভূপালৰ সোণৰ অলংকাৰৰ বিপনীত ডকাইতি, গ্ৰেপ্তাৰ এজন অগ্নিবীৰ

মধ্যপ্ৰদেশৰ ৰাজধানী ভূপালৰ এখন সোণৰ অলংকাৰৰ দোকানত ডকাইতি কাণ্ডৰ সৈতে জড়িত দুজন যুৱকক গ্ৰেপ্তাৰ কৰিছে আৰক্ষীয়ে। তাৰে এজন হৈছে ভাৰতীয় সেনাৰ অগ্নিবীৰ। ছুটীত থাকোঁতে তেওঁ ভূপালৰ এখন বৃহৎ অলংকাৰৰ বিপনীত ডকাইতি কৰে।

গ্ৰেপ্তাৰ কৰা অগ্নিবীৰ সন্দৰ্ভত সেনাবাহিনীৰ পৰা সবিশেষ তথ্য বিচাৰি পঠোৱা হৈছে বুলি জানিবলৈ দিয়ে আৰক্ষীয়ে। ধৃত অগ্নিবীৰজনৰ নাম মোহিত সিং বাঘেল।

আৰক্ষীৰ মতে এই ডকাইতিৰ মূল সন্দেহযুক্ত ব্যক্তি অগ্নিবীৰজন। তেওঁৰ ঘৰ মধ্যপ্ৰদেশৰ ৰেৱা জিলাত। আৰক্ষীৰ জেৰাত তেওঁ কয় যে তেওঁ বন্ধু-বান্ধৱীক লগ কৰিবলৈ ভূপাললৈ আহিছিল। তেওঁৰ পোষ্টিং পঞ্জাৱৰ পাঠানকোটত।

আৰক্ষীয়ে জানিবলৈ দিয়া মতে, চলিত মাহৰ ১৩ তাৰিখে ডকাইতিৰ ঘটনা সংঘটিত হৈছিল। চিচিটিভিৰ ফুটেজত তেওঁলোকে দেখিছে যে দুজন ডাঙৰ হেলমেট পিন্ধা মানুহ মটৰ চাইকেলৰ পৰা নামি মুহূৰ্তৰ ভিতৰতে অলংকাৰবোৰ লুটি লৈ ​​পলাই গৈছে। দোকানীজনে দাবী কৰা মতে, ৫০ লাখ টকাৰ অলংকাৰ লৈ পলায়ন কৰে ডকাইত দুজনে। যুৱক দুজনৰ হাতত আগ্নেয়াস্ত্ৰ আছিল। ভয় খুৱাবলৈ শূন্যত গুলী গুলি চলাই পলাই যায়।

লগতে পঢ়কঃ গৌৰৱ গৰ্জন! ‘দলে যদি মোক প্ৰাৰ্থিত্ব দিয়ে জালুকবাৰীৰ পৰাও যুঁজ দিবলৈ সাজু আছো’

ডকাইতি কাণ্ডত কৰ্মৰত অগ্নিবীৰ জড়িত হোৱাক লৈ সংশ্লিষ্ট মহলত উদ্বেগ বিয়পি পৰিছে। বহুতে কয় যে যিহেতু অগ্নিবীৰৰ চাকৰিৰ কোনো স্থায়িত্ব নাই, সেয়েহে চাৰি বছৰীয়া চুক্তি শেষ হোৱাৰ আগতেই দুষ্কৰ্মত লিপ্ত হৈছে। একাংশৰ মতে, অগ্নিবীৰসকলে নতুন চাকৰি নাপালে চাৰি বছৰৰ তেওঁলোকে দুষ্কৰ্মত জড়িত হোৱাৰ সম্ভাৱনা নুই কৰিব নোৱাৰি।