আশ্চৰ্য! টিফিনত আমিষ খাদ্য অনাৰ বাবে ৫ বছৰীয়া ছাত্ৰক বহিষ্কাৰ

উত্তৰ প্ৰদেশৰ আমৰোহৰ এগৰাকী ব্যক্তিগত বিদ্যালয়ৰ অধ্যক্ষই শ্ৰেণীলৈ আমিষ খাদ্য অনা বুলি অভিযোগ উত্থাপন কৰি পাঁচ বছৰীয়া এজন ছাত্ৰক বহিষ্কাৰ কৰিছে। বৃহস্পতিবাৰে বিদ্যালয়ৰ অধ্যক্ষ আৰু ছাত্ৰজনৰ মাতৃৰ মাজত হোৱা বাক বিতণ্ডাৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে, যাৰ ফলত বিষয়াসকলে এই কাণ্ডৰ তদন্তৰ নিৰ্দেশ দিছে।

ভিডিঅ’টোত হিল্টন কনভেণ্ট স্কুলৰ অধ্যক্ষই কোৱা শুনা যায় যে ছাত্ৰজনে নিতৌ আমিষ খাদ্য আনি আহিছে।

ভিডিঅ’টোত অধ্যক্ষই মাতৃক কয় যে, “আপোনাৰ সন্তানে কয় যে তেওঁ সকলোকে আমিষ খাদ্য খাবলৈ বাধ্য কৰাই ইছলাম ধৰ্ম গ্ৰহণ কৰোৱব বিচাৰে।”

তাৰ পাছত মহিলাগৰাকীয়ে কয় যে তেওঁৰ সন্তানে যোৱা তিনিমাহ ধৰি অভিযোগ কৰি আহিছে যে তেওঁৰ শ্ৰেণীৰ ছাত্ৰ-ছাত্ৰীসকলে মাত্ৰ “হিন্দু-মুছলমান” কৰি আছে।

ভিডিঅ’ ভাইৰেল হোৱাৰ লগে লগে আমৰোহাৰ মুছলিম কমিটীয়ে জিলা দণ্ডাধীশলৈ পত্ৰ লিখি অধ্যক্ষক গ্ৰেপ্তাৰ কৰি বিদ্যালয়ৰ এফিলিয়েচন স্থগিত ৰখাৰ দাবী জনায়।

আমৰোহাৰ মৌলিক শিক্ষা বিষয়াই তিনিখন চৰকাৰী বিদ্যালয়ৰ অধ্যক্ষৰ এটা দল গঠন কৰি বিষয়টোৰ তদন্ত কৰি তিনিদিনৰ ভিতৰত প্ৰতিবেদন দাখিল কৰিবলৈ কয়।