বাপেক চাই পুতেক, পিতৃৰ ষ্টাইলতে ডাবল চেঞ্চুৰী; কোচবিহাৰ ট্ৰফীত জুনিয়ৰ ছেহৱাগৰ দমনীয় ৰূপ

বীৰেন্দ্ৰ ছেহৱাগৰ পুত্ৰ আৰ্যবীৰ ছেহৱাগে পিতৃৰ পথ অনুসৰণ কৰিয়েই ক্ৰিকেট বাছি লৈছে। এতিয়া তেওঁৱো দেউতাকে দেখুওৱা ধৰণেই বেটিং কৰি আছে। বৃহস্পতিবাৰে কোচবিহাৰ ট্ৰফীত ২২৯টা বলত ২০০ ৰান সংগ্ৰহ কৰি অপৰাজিত হৈ থাকে ছেহৱাগ পুত্ৰ আৰ্যবীৰ। তেওঁৰ ইনিংছত আছিল ৩৪টা চাৰি আৰু দুটা ছয়।

শ্বিলঙৰ এমচিএ ক্ৰিকেট খেলপথাৰত মেঘালয় আৰু দিল্লীৰ মুখামুখি হৈছে। আৰ্যবীৰ তাত খেলিবলৈ আহিছিল। খেলিবলৈ নামিয়েই শক্তি দেখুৱায়। নিজৰ শক্তিৰে দিনটোৰ শেষত ২০৮ ৰানৰ অগ্ৰগতি লাভ কৰে দিল্লীয়ে। ১৯ বছৰ অনুৰ্ধৰ খেলুৱৈক বাহিৰলৈ উলিয়াই আনিবলৈ বিচিচিআইয়ে কোচবিহাৰ ট্ৰফীৰ আয়োজন কৰে। এই ট্ৰফীৰ এখন মেচ চাৰিদিনীয়া হয়।

আৰ্যবীৰ ছেহৱাগে বেটিং কৰাৰ পূৰ্বে মেঘালয়ে প্ৰথম ইনিংছত মুঠ ২৬০ ৰান সংগ্ৰহ কৰে। দিল্লীৰ অ’পেনাৰ আৰ্যবীৰ ছেহৱাগ আৰু অৰ্ণৱ এছ বুগ্গাই ১৮০ ৰানৰ পাৰ্টনাৰশ্বিপ গঢ়ি তুলিছিল। এই প্ৰথম উইকেটৰ পাৰ্টনাৰশ্বিপৰ ফলত দলটো ভাল স্থানত উপনীত হৈছিল।

বুগ্গাই শতক অৰ্জন কৰে যদিও দ্বিতীয় দিনা আউট হয়। আনহাতে আৰ্যবীৰ টিকি থাকে। তেওঁ এককভাৱে দলটোক টানি নিয়ে। তেওঁ ক্ৰীজত টিকি থাকি দলটোক আগবঢ়াই নি নিজকে প্ৰমাণ কৰিলে।

আৰ্যবীৰৰ প্ৰদৰ্শনৰ লগতে ধন্য নাকৰাই ৯১টা বলত ৯৮ ৰানৰ ইনিংছ খেলে। এই দুই যুটীৰ ওপৰত নিৰ্ভৰ কৰি দিল্লীয়ে মেচখনৰ নিয়ন্ত্ৰণ লয়।

এই বছৰৰ আৰম্ভণিতে ভিনু মানকাড় ট্ৰফীত দিল্লীৰ হৈ অভিষেক ঘটাইছিল আৰ্যবীৰ ছেহৱাগে। সেৱাইবাৰ তেওঁৰ বিপক্ষে আছিল মণিপুৰ। তেওঁৰ কেৰিয়াৰৰ আৰম্ভণিতে ৪৯ ৰানৰ ইনিংছ খেলিছিল আৰু তেওঁৰ দলটোৱে জয়লাভ কৰিছিল। যোৱা বছৰ ছেহৱাগে কৈছিল যে তেওঁৰ পুত্ৰই আই পি এলত খেলিবলৈ আগ্ৰহী। যদিও আগন্তুক আই পি এলত তেওঁ নাই।