প্ৰধানমন্ত্ৰী হৈও গুৱাহাটীৰ এটা সৰু ভাড়াঘৰত আছিল মনমোহন সিং! কিমান আছিল ঘৰৰ ভাড়া? কাৰ ঘৰত ভাড়াত আছিল প্ৰধানমন্ত্ৰীগৰাকী?

গুৱাহাটীৰ নন্দন নগৰৰ ঘৰ নম্বৰ ৩৯৮৯। দেশৰ প্ৰধানমন্ত্ৰীৰ দায়িত্ব লোৱাৰ পূৰ্বে ইয়াতেই বাস কৰিছিল মনমোহন সিঙে।

অসমৰ পৰা ৰাজ্যসভাৰ সদস্য হৈ ৰাজনৈতিক জীৱনৰ আৰম্ভণি কৰিছিল মনমোহন সিঙে। সেই সূত্ৰেই গুৱাহাটীত এটা ঘৰ ভাড়ালৈ লৈছিল মনমোহন সিঙে।

১৯৯১ চনত তদানীন্তন প্ৰধানমন্ত্ৰী পি.ভি. নৰসিংহ ৰাওৰ দিনত ৰাজ্যসভাৰ সদস্য আছিল তেওঁ।

অসমৰ প্ৰাক্তন মুখ্যমন্ত্ৰী হিতেশ্বৰ শইকীয়াৰ ঘৰৰ পিছফালে থকা দুকোঠালীৰ এটা সৰু ভাড়াঘৰ আছিল প্ৰাক্তন প্ৰধানমন্ত্ৰীগৰাকীৰ বাসগৃহ। তাত থকা কোঠাটোৰ দুৱাৰত আজিও আছে মনমোহন সিঙৰ নামফলক।

অসমৰ প্ৰাক্তন প্ৰধানমন্ত্ৰী হিতেশ্বৰ শইকীয়াৰ পত্নী হেমপ্ৰভা শইকীয়া আছিল মনমোহন সিঙে বাস কৰা ভাড়াঘৰটোৰ স্বতাধিকাৰী। হেমপ্ৰভা শইকীয়াই ৰান্ধি দিয়া খাদ্য খায়েই তাত দিনি কটাইছিল মনমোহন সিঙে।

১৯৯১ চনৰ পৰা এইটোৱেই তেওঁৰ ব্যক্তিগত ঠিকনা হৈ পৰিছিল। সেই সময়ত তেওঁ ভাড়া হিচাপে মাত্ৰ ৭০০ টকাহে দিছিল হেমপ্ৰভা শইকীয়াক। অতি সহজ-সৰল জীৱন যাপন কৰিবলৈও তেওঁ ভাল পাইছিল।

মনমোহন সিঙে ২০১৯ চনত শেষবাৰৰ বাবে এই ঘৰটোলৈ আহিছিল। জানিব পৰা মতে, সেইবাৰো তেওঁ হেমপ্ৰভা শইকীয়াৰ লগত দুপৰীয়াৰ আহাৰ গ্ৰহণ কৰিছিল।