শম্ভু সীমান্তত বিষ সেৱন আৰু এজন প্ৰতিবাদী কৃষকৰ; চিকিৎসালয়ত সাৱটি ল’লে মৃত্যুক

আকৌ আন এজন কৃষকে শম্ভু সীমান্তত বিষ সেৱন কৰিলে। বিষ সেৱন কৰাৰ ফলত তেওঁৰ মৃত্যু হয়। ইয়াৰ আগতেও এজন কৃষকে বিষ সেৱন কৰি একে ধৰণেৰে মৃত্যুবৰণ কৰিছিল।

শম্ভু সীমান্তত বিষ সেৱন কৰি মৃত্যু হোৱা কৃষকৰ সংখ্যা দুজনলৈ বৃদ্ধি পালে। মৃত কৃষকজনৰ নাম ৰেশম সিং। ৰেশমে শম্ভু মৰ্চাত চালফাছ (এলুমিনিয়াম ফছফাইড) সেৱন কৰিছিল।

ইয়াৰ পিছতে সংকটজনক অৱস্থাত তেওঁক ৰাজপুৰাৰ অসামৰিক চিকিৎসালয়ত ভৰ্তি কৰোৱা হয়। কিন্তু তাতেই তেওঁৰ মৃত্যু ঘটে।

ৰেশম সিং জগতাৰ সিঙৰ পুত্ৰ। তেওঁ তৰতাৰাণ জিলাৰ পাহু অঞ্চলৰ বাসিন্দা আছিল।

কৃষক নেতা তেজবীৰ সিঙে কয় যে শম্ভু আৰু খানৌৰী সীমান্তত ১১ মাহ ধৰি আন্দোলন চলি থকাৰ পাছতো চৰকাৰে সমস্যা সমাধান নকৰাত ৰেশম সিং ক্ষুব্ধ হৈ পৰিছিল।

আন্দোলনকাৰী কৃষকসকলে কয় যে আজি জগজিৎ সিং দলেৱালৰ আমৰণ অনশনৰ ৪৫তম দিন। দলেৱাল জীৰ কিবা এটা হ’লে চৰকাৰে পৰিস্থিতি নিয়ন্ত্ৰণ কৰিব নোৱাৰিব।

ইপিনে, কৃষকৰ লগত কথা পাতিবলৈ সাজু নহয় মোডী চৰকাৰ। ৩২৮ দিন ধৰি শম্ভু আৰু খানৌৰী সীমান্তত মুকলি আকাশৰ তলত বহি কৃষকসকলে এম এছ পি গেৰাণ্টী আইন দাবী কৰি আহিছে। এই পৰ্যন্ত ৩৫ জন কৃষকৰ মৃত্যু হৈছে।