উচ্চ ন্যায়ালয় স্থানান্তৰৰ সিদ্ধান্তক তীব্ৰ বিৰোধিতা গুৱাহাটী হাইকোৰ্ট বাৰ এছ’চিয়েশ্যনৰ

গুৱাহাটী উচ্চ ন্যায়ালয়ৰ উকীল সন্থাই বৃহস্পতিবাৰে অসম চৰকাৰে গুৱাহাটী মহানগৰীৰ মাজমজিয়াত থকা হাইকোৰ্ট কমপ্লেক্স বৰ্তমানৰ স্থানৰ পৰা ব্ৰহ্মপুত্ৰৰ উত্তৰ পাৰলৈ স্থানান্তৰিত কৰাৰ সিদ্ধান্তৰ বিৰোধিতা কৰে।

গৌহাটী উচ্চ ন্যায়ালয়ক উত্তৰ গুৱাহাটীৰ ৰংমহললৈ স্থানান্তৰিত কৰাৰ শেহতীয়া সিদ্ধান্তক লৈ জিএইচচিবিএয়ে এক সাধাৰণ সভা আহ্বান কৰে।

বাৰ এছ’চিয়েশ্যনে এক বিবৃতিত কয় যে, “এই পদক্ষেপৰ সৰ্বসন্মতিক্ৰমে বিৰোধিতা কৰা হৈছে।”

জিএইচচিবিএয়ে আঙুলিয়াই দিয়ে যে দক্ষিণ আৰু উত্তৰ পাৰক সংযোগ কৰিব পৰা ব্ৰহ্মপুত্ৰৰ ওপৰত চলি থকা দলং নিৰ্মাণৰ কাম সম্পূৰ্ণ নোহোৱালৈকে এই স্থানান্তৰকৰণ নহ’ব বুলি মুখ্যমন্ত্ৰীয়ে পূৰ্বতে আশ্বাস দিয়াৰ পাছতো চৰকাৰে প্ৰস্তাৱিত ন্যায়িক প্ৰকল্পৰ বাবে ভূমি অধিগ্ৰহণৰ কাম ৰংমহলত আগবাঢ়িছে।

বিবৃতিটোত এই কথাও আঙুলিয়াই দিয়া হৈছে যে গৌহাটী উচ্চ ন্যায়ালয়ৰ মুখ্য ন্যায়াধীশৰ পৰা এনে সিদ্ধান্তত উকীল সন্থাক জড়িত কৰাৰ প্ৰতিশ্ৰুতি আছিল যদিও স্থানান্তৰকৰণৰ সিদ্ধান্ত লোৱাৰ সময়ত সেয়া কৰা হোৱা নাছিল।

সন্থাই সকলো অংশীদাৰ আৰু সামগ্ৰিকভাৱে জনসাধাৰণৰ স্বাৰ্থত প্ৰকল্পটো শীঘ্ৰে বন্ধ কৰাৰ দাবী জনায়।