মৰ্মান্তিক! তিনি সন্তানক ডিঙি চেপি হত্যা কৰি চৰম সিদ্ধান্ত পিতৃৰ : ঝাৰখণ্ডত গাৰ নোম শিয়ৰি যোৱা ঘটনা

নিজৰ তিনি নাবালক সন্তানক হত্যা কৰি নিজেও চৰম সিদ্ধান্ত ল’লে এগৰাকী পিতৃয়ে। দেওবাৰে ঝাৰখণ্ডৰ কাকৱুৰৰ গিৰিডিহ জিলাৰ পিৰতাণ্ড থানা এলেকাৰ মহেশলিটি গাঁৱত সংঘটিত হয় এই শোকাৱহ ঘটনা।

আৰক্ষীয়ে জনোৱা মতে, ৩৬ বছৰীয়া ছানাউল আনছাৰীয়ে নিজৰ কন্যা আফ্ৰিন পাৰবীন (১২), জাইবা নাজ (৮) আৰু পুত্ৰ চফৌল আনছাৰী (৬)ক ডিঙি চেপি হত্যা কৰে আৰু তাৰপিছত নিজেও আত্মহত্যা কৰে।

তথ্য লাভ কৰাৰ লগে লগে খোখৰা থানাৰ স্থানীয় আৰক্ষী ঘটনাস্থলীলৈ যায়। পিছত মৃতদেহ কেইটা মৰণোত্তৰ পৰীক্ষাৰ বাবে গিৰিডিহ সদৰ চিকিৎসালয়লৈ প্ৰেৰণ কৰা হয়।

প্ৰাথমিক তদন্তত প্ৰকাশ পাইছে যে ছানাউলে নিজৰ তিনিটা সন্তানক ডিঙি চেপি আত্মহত্যা কৰে। আৰক্ষীয়ে জনোৱা মতে, ছানৌল পেছাত ৰাজমিস্ত্ৰী আৰু ঘৰতে এখন সৰু ৰেচন আৰু কাপোৰৰ দোকানো চলাইছিল।

ঘটনাৰ সময়ত উপস্থিত নাছিল ছানাউলৰ পত্নী। পত্নী মাতৃ গৃহলৈ যোৱাৰ সময়তে ছানউলে সংঘটিত কৰে এই জঘন্য কাণ্ড।

এই হত্যা আৰু আত্মহত্যাৰ আঁৰৰ উদ্দেশ্য এতিয়াও স্পষ্ট হোৱা নাই।

মহকুমা আৰক্ষী বিষয়া সুমিত প্ৰসাদে কয় যে আমি সকলো কোণৰ পৰা তদন্ত কৰি আছো। এই কাণ্ডৰ আঁৰৰ কাৰণ জানিবলৈ ছানাউলৰ পত্নী আৰু পৰিয়ালৰ অন্যান্য সদস্যক সোধ-পোচ কৰিম।