২০২৫ বৰ্ষত হ্ৰাস পালে অসম উচ্চতৰ মাধ্যমিক পৰীক্ষাত উত্তীৰ্ণৰ হাৰ!

অজি ঘোষণা হ’ল উচ্চতৰ মাধ্যমিক পৰীক্ষাৰ ফলাফল। এই বৰ্ষত উচ্চতৰ মাধ্যমিক উত্তীৰ্ণৰ শতকৰা হাৰ হ্ৰাস পালে প্ৰতিটো শাখাতে। যোৱা বছৰৰ তুলনাত কলা, বিজ্ঞান আৰু বাণিজ্য শাখাত উত্তীৰ্ণৰ হাৰ হ্ৰাস হোৱাৰ সমান্তৰালভাবে বৃদ্ধি পালে লৰাতকৈ ছোৱলীৰ উত্তীৰ্ণৰ

সৰ্বাধিক পৰীক্ষাৰ্থী অংশগ্ৰহণ কৰা কলা শাখাত এই বছৰ উত্তীৰ্ণৰ হাৰ হৈছে ৮১.০৩%, যিটো যোৱা বছৰৰ ৮৮.৩৬%ৰ তুলনাত উল্লেখযোগ্যভাৱে কম। বিজ্ঞান শাখাত উত্তীৰ্ণৰ হাৰ ৮৯.৮৮%ৰ পৰা ৮৪.৮৮%লৈ হ্ৰাস পাইছে, আনহাতে বাণিজ্য শাখাত ২০২৪ চনৰ ৮৭.৬৬%ৰ পৰা ৮২.১৮%লৈ নামি আহিছে। সামগ্ৰিকভাৱে এই হ্ৰাসৰ মাজতো ছোৱালীয়ে সকলো শাখাতে ল’ৰাক পিছ পেলাইছে। ছোৱালীৰ উত্তীৰ্ণৰ হাৰ কলা শাখাত ৮২.৯৫%, বিজ্ঞানত ৮৫.৫৪% আৰু বাণিজ্যত ৮২.৪০%। ইয়াৰ বিপৰীতে ল’ৰাৰ উত্তীৰ্ণৰ হাৰ ক্ৰমে ৭৮.৪%, ৮৪.৩৯% আৰু ৮২.০৮% হৈছে। বৃত্তিমূলক ধাৰাত উত্তীৰ্ণৰ হাৰ ৬৮.৫৫% হিচাপে ৰেকৰ্ড কৰা হৈছে।

২০২১৬ৰ পৰা ২০২৫ লৈ কলা শাখাৰ উত্তীৰ্ণৰ হাৰ

২০২১৬ৰ পৰা ২০২৫ লৈ বিজ্ঞান শাখাত উত্তীৰ্ণৰ হাৰ

২০২১৬ৰ পৰা ২০২৫ লৈ বাণিজ্য শাখাৰ উত্তীৰ্ণৰ হাৰ

জিলাসমূহৰ ফলাফলৰ ক্ষেত্ৰত পশ্চিম কাৰ্বি আংলং আৰু দক্ষিণ ছালমাৰাই যথাক্ৰমে বিজ্ঞান আৰু বাণিজ্য ধাৰাত ১০০% উত্তীৰ্ণৰ হাৰে শীৰ্ষস্থান দখল কৰিছে। কলা শাখাত বাকছা জিলাই ৯৪.২১% পৰীক্ষাৰ্থীৰ উত্তীৰ্ণৰ সৈতে শীৰ্ষস্থান অধিকাৰ কৰিছে। এই ফলাফলৰ জৰিয়তে অসমৰ শিক্ষা ব্যৱস্থাৰ ক্ষেত্ৰত ছাত্ৰীসকলৰ শ্ৰেষ্ঠত্বৰ প্ৰমাণ পুনৰ প্ৰতিষ্ঠিত হৈছে, যদিও সামগ্ৰিক উত্তীৰ্ণৰ হাৰ হ্ৰাসে শিক্ষাৰ মানদণ্ডৰ উন্নতিৰ প্ৰয়োজনীয়তাৰ ইংগিত বহন কৰিছে।