কোহলী বনাম ৰোহিত! এদিনীয়াৰ ৰজা কোন? এবাৰ চকু ফুৰাই চাই লওক

এতিয়াৰ পৰা এদিনীয়া খেলতহে দেখা যাব বিৰাটক। টিম ইণ্ডিয়াৰ হৈ বিৰাট কোহলীৰ টেষ্ট ক্ৰিকেট অধ্যায়ৰ অন্ত পৰিল। ১৪ বছৰীয়া দীঘলীয়া কেৰিয়াৰৰ অন্তত ৰেডবল ফৰ্মেটৰ পৰা অৱসৰ ল’লে কোহলীয়ে। অৱশ্যে এতিয়াও তেওঁক এদিনীয়া ক্ৰিকেটত খেলা দেখা যাব।

বিৰাটৰ সৈতেও দেখা যাব ৰোহিতকো। ৰোহিত শৰ্মাইও টেষ্ট ক্ৰিকেটৰ পৰা অৱসৰ লোৱাৰ সিদ্ধান্ত লয়। এতিয়া এই যুটিটোক কেৱল এদিনীয়া ক্ৰিকেটতহে একেলগে দেখা যাব। দুয়োজনে দুৰ্দান্ত খেলি আহিছে।

দুয়োজনে কিমানখন এদিনীয়া খেলিছে?

বিৰাট কোহলীয়ে মুঠ ৩০২খন এদিনীয়া মেচ খেলিছে। আনহাতে, ৰোহিত শৰ্মাই ২৭৩ খন এদিনীয়া মেচত টিম ইণ্ডিয়ালৈ অৰিহণা যোগাইছে।

২৭৩খন এদিনীয়া খেলৰ পিছত কোন আগবাঢ়ি আছে?

এতিয়া জানো আহক বিৰাট কোহলী আৰু ৰোহিত শৰ্মাৰ মাজত ২৭৩খন এদিনীয়া খেলৰ অন্তত কোন আগবাঢ়ি আছে? কাৰ পৰিসংখ্যা গধুৰ?

বিৰাট কোহলীৰ অভিলেখ

কিং বিৰাট কোহলীয়ে ৩০২খন এদিনীয়া মেচ খেলি ২৯০ টা ইনিংছত মুঠ ১৪১৮১ ৰান সংগ্ৰহ কৰিছে। এই সময়ছোৱাত তেওঁ নিজৰ বেটৰ পৰা গড়ে ৫৭.৮৮ ৰান সংগ্ৰহ কৰিছে।

ৰোহিত শৰ্মাৰ অভিলেখ

আনহাতে, ২৭৩খন এদিনীয়া মেচ খেলি হিটমেন ৰোহিত শৰ্মাই ২৬৫ টা ইনিংছত ১১,১৬৮ ৰান সংগ্ৰহ কৰিবলৈ সক্ষম হৈছে। এই সময়ছোৱাত তেওঁ নিজৰ বেটৰ পৰা গড়ে ৪৮.৭৬ ৰান সংগ্ৰহ কৰে।

শতকৰ বিচাৰত কোন আগবাঢ়ি আছে?

২৭৩খন এদিনীয়া খেলৰ অন্তত ৰোহিত শৰ্মাই মুঠ ৩২টা শতক অৰ্জন কৰাৰ বিপৰীতে কিং কোহলীয়ে ৫১টা শতক অৰ্জন কৰিছে।