ৰাজস্থানৰ এখন বিদ্যালয়ৰ চাল ভাঙি মৃত্যু ৭ জনৰ! ৬০ জনতকৈ অধিক আবদ্ধ হৈ পৰাৰ আশংকা

ৰাজস্থানত সংঘটিত হৈছে এক শোকাবহ দুৰ্ঘটনা। ৰাজস্থানৰ এখন বিদ্যালয়ৰ চাল ভাঙি ৭ জনকৈ লোকৰ মৃত্যু হোৱা বুলি জনিব পৰা গৈছে। এতিয়াও ধ্বংসাৱশেষৰ তলত কমেও ৬০ জন লোক আবদ্ধ হৈ আছে বুলি অনুমান কৰা হৈছে।   ইতিমধ্যে তেওঁলোকক উদ্ধাৰৰ বাবে অভিযান অব্যাহত আছে।

উল্লেখ্য যে বিগত কেইদিনমান ধৰি ৰাজস্থানৰ ঝালাৱাৰত বৰষুণ দি আহিছে। শুকুৰবাৰে পুৱা অবিৰত বৰষুণৰ ফলত ঝালাৱাৰৰ পিপলোডী প্ৰাথমিক বিদ্যালয়ৰ চাল ভাঙি পৰে। সেই সময়ত বিদ্যালয়খনত প্ৰায় ৬০-৭০ জন ছাত্ৰ-ছাত্ৰী আছিল বুলি জনিব পৰা গৈছে। ক্লাছ চলি থকা অৱস্থাত হঠাতে ছাদ ভাঙি আবদ্ধ হৈ পৰে। কেইবাজনো আহত হয়।

ধ্বংসাৱশেষৰ তলত আবদ্ধ হৈ পৰে কমেও ১৫ গৰাকী ছাত্ৰ-ছাত্ৰী। লগে লগে স্থানীয় ৰাইজ আৰু বিদ্যালয়ৰ শিক্ষকে উদ্ধাৰ অভিযান আৰম্ভ কৰে। আহত ছাত্ৰ-ছাত্ৰীক চিকিৎসাৰ বাবে মনোহৰ থানা চিকিৎসালয়ত ভৰ্তি কৰোৱা হৈছে।