‘শপতনামা দাখিল বা ৰাজহুৱা ক্ষমা’! নিৰ্বাচন আয়োগে সংবাদ মেলত কি প্ৰত্যুত্তৰ দিলে ৰাহুল গান্ধীক ?

ৰাহুল গান্ধীৰ “ভোট চুৰি” অভিযোগক লৈ ভাৰতীয় নিৰ্বাচন আয়োগ (ECI) বৰ্তমান তীব্ৰ সমালোচনাৰ সন্মুখীন হৈছে। ৰাহুল গান্ধীত অধিকাৰ যাত্ৰাৰ দিনাই আয়োগে সংবাদ মেল আয়োজন কৰি কংগ্ৰেছ নেতাগৰাকীক   তেওঁ দাবীৰ সমৰ্থনত শপতনামা দাখিল কৰিব লাগিব অন্যথা ৰাজহুৱাভাৱে ক্ষমা বিচাৰিব লাগিব। এই মন্তব্যই আয়োগৰ নিৰপেক্ষতাক লৈ বিভিন্ন মহলৰ পৰা প্ৰশ্ন উঠিছে, কাৰণ সমালোচকসকলৰ অভিযোগ মতে, একেধৰণৰ দাবী কৰা বিজেপি নেতাসকলৰ পৰা আয়োগে এনে শপতনামা কেতিয়াও বিচাৰিছিল নাছিল।

উল্লেখ্য ৭ আগষ্টত ৰাহুল গান্ধীয়ে ২০২৪ চনৰ লোকসভা নিৰ্বাচনৰ সময়ত কৰ্ণাটকৰ মহাদেৱপুৰা সমষ্টিত প্ৰায় ১,০০,২৫০ ভুৱা ভোট পঞ্জীয়নৰ অভিযোগ উত্থাপন কৰিছিল। তেওঁ ইচিআইৰ বিৰুদ্ধে বিজেপিৰ সৈতে “গোপন বুজাবুজি” কৰাৰ অভিযোগো  উত্থাপন কৰিছিল।

১৭ আগষ্ট দেওবাৰৰ সংবাদ্মেলত মুখ্য নিৰ্বাচন আয়ুক্ত জ্ঞানেশ কুমাৰে গান্ধীৰ অভিযোগক “ভিত্তিহীন” বুলি উল্লেখ কৰি কয় যে এইধৰণৰ মন্তব্যই সংবিধান আৰু গণতান্ত্ৰিক প্ৰতিষ্ঠানসমূহক অসম্মান কৰে। আয়োগে অভিযোগ, উত্থাপন কৰিছে যে ৰাজনৈতিক দলসমূহে আয়োগক “বলিৰ পথা” হিচাপে ব্যৱহাৰ কৰি জনমতক প্ৰভাৱিত কৰাৰ চেষ্টা কৰিছে।

ইফালে আজি ৰাহুল গান্ধীয়ে প্রশ্ন উত্থাপন কৰে যে কিয় কেৱল তেওঁকেই শপতনামা বিচৰা হৈছে আৰু একেদৰে বিজেপি নেতাসকলক প্ৰমাণ বিচৰা হোৱা নাই। তেওঁ কয় যে ইচিআইয়ে ভোটাৰ তালিকা পুনৰীক্ষণৰ নামত বাস্তৱতে প্ৰান্তীয় ভোটাৰক লক্ষ্য কৰি লোৱা হৈছে।

ইচিআইয়ে প্ৰত্যুত্তৰত দাবী কৰিছে যে বিহাৰত চলি থকা বিশেষ পুনৰীক্ষণ প্ৰক্ৰিয়া সম্পূৰ্ণ স্বচ্ছ, য’ত স্থানীয় অংশীদাৰ আৰু ভিডিঅ’ প্ৰমাণ আছে। আয়োগৰ মতে, দুগুণ ভোটদান বা ভুৱা পঞ্জীয়নৰ দাবী সমৰ্থন কৰিবলৈও এতিয়ালৈকে কোনো প্ৰমাণ দিয়া হোৱা নাই।

ভোটাৰ অধিকাৰ যাত্ৰাৰ শুভাৰম্ভত সাসাৰামত ৰাহুল গান্ধীয়ে কংগ্ৰেছ সভাপতি মল্লিকাৰ্জুন খাৰ্গে, আৰজেডি নেতা লালু প্ৰসাদ আৰু তেজস্বী যাদৱৰ সৈতে মিলি এই পদযাত্ৰাক “সংবিধান ৰক্ষাৰ যুঁজ” হিচাপে বৰ্ণনা কৰে। ২০খনতকৈও অধিক জিলাক আৱৰি বিজেপি-বিৰোধী INDIA ব্লকৰ দাবী কৰা নিৰ্বাচনী অনিয়মক উন্মোচিত কৰাৰ লক্ষ্যৰে এই পদযাত্ৰা কৰা হৈছে।

আনহাতে ইচিআইয়ে স্পষ্ট কৰিছে যে ভোটাৰ তালিকা ৰাজহুৱাভাৱে সুলভ, আৰু ৰাহুল গান্ধীৰ হাতত যদি যথেষ্ট প্ৰমাণ আছে তেন্তে আইনী প্ৰক্ৰিয়াৰ জৰিয়তে প্ৰমাণ দিয়া উচিত। অন্যথা, বিভ্ৰান্তিকৰ অভিযোগৰ বাবে ক্ষমা বিচাৰিব লাগিব। আয়োগে সতৰ্কবাণী প্ৰদান কৰি কয় যে এনে দাবীয়ে ভাৰতীয় নিৰ্বাচনী ব্যৱস্থাৰ বিশ্বাসযোগ্যতাক ক্ষতি কৰিব পাৰে।