Supreme Court to Baba Ramdev: এলোপেথিক লৈ অভিযোগ কিয়?-বাবা ৰামদেৱক ভৎৰ্সনা উচ্চতম ন্যায়ালয়ৰ

Supreme Court says Baba Ramdev যোগ গুৰু বাবা ৰামদেৱৰ ওপৰত ক্ষুব্ধ হৈ পৰিছে ভাৰতৰ উচ্চতম ন্যায়ালয়। ৰামদেৱে এলোপেথিৰ দৰে আধুনিক চিকিৎসা প্ৰণালীৰ বিষয়ে অপমানজনক মন্তব্য কৰিছিল। দেশৰ মুখ্য ন্যায়াধীশ এন ভি ৰামনাই এই বিষয়ে অসন্তুষ্টি প্ৰকাশ কৰিছে।

মঙলবাৰে মুখ্য ন্যায়াধীশগৰাকীয়ে কয়, “বাবা ৰামদেৱে এলোপেথিৰ বিষয়ে কিয় অভিযোগ কৰিছে? তেওঁ যোগক জনপ্ৰিয় কৰি তুলিছে, ভাল কথা, কিন্তু তেওঁ আন পদ্ধতিৰ সমালোচনা কৰা উচিত নহয়। তেওঁ যি অনু সৰণ কৰে সেয়াই যে সকলো ভাল কৰি দিব তাৰ কি নিশ্চয়তা আছে?’’

লগতে পঢ়ক: নূপুৰ শৰ্মাৰ পিছত এইবাৰ টি ৰাজা সিং; পয়গম্বৰকলৈ কৰা অপমানজনক মন্তব্যৰ বাবে গ্ৰেপ্তাৰ বিজেপি বিধায়ক

ইণ্ডিয়ান মেডিকেল এছ’চিয়েশ্যনে (আইএমএ) উচ্চতম ন্যায়ালয়ত এলোপেথিক ঔষধ, চিকিৎসক আৰু কোভিড ভেকচিনক নিন্দা কৰি প্ৰচাৰ চলোৱাৰ এক অভিযোগ উত্থাপন কৰিছিল। ইয়াৰ শুনানিৰ সময়ত মুখ্য ন্যায়াধীশগৰাকীয়ে যোগ গুৰুজনক ভৰ্ৎসনা কৰে। তেওঁ আইএমএৰ আবেদনৰ ভিত্তিত উত্তৰ বিচাৰি কেন্দ্ৰক এখন জাননীও জাৰি কৰিছে।

যোৱা বছৰ কোভিড-১৯ৰ দ্বিতীয় ঢৌত দেশখন ভয়ংকৰ সংকটত পৰিছিল। বহুতো লোকৰ মৃত্যু হৈছিল। সেই সময়ত ৰামদেৱক এটা ভিডিঅ’ত কোৱা শুনা গৈছিল, “এলোপেথিক ঔষধৰ ফলত লাখ লাখ লোকৰ মৃত্যু হৈছে, যি অক্সিজেনৰ অভাৱত হোৱা মৃত্যুতকৈ অধিক।‘’ যোগ গুৰুজনে এলোপেথিক “নিৰ্বোধ” আৰু “দেউলিয়া” বিজ্ঞান বুলি অভিহিত কৰিছিল।

লগতে পঢ়ক: NASA shares new images of Jupiter: নাছাই মুকলি কৰিলে বৃহস্পতি গ্ৰহৰ এক সম্পূৰ্ণ সুকীয়া ছবি; দেখি মুগ্ধ সকলো মহাকাশপ্ৰেমী!

তেওঁ লগতে দাবী কৰে যে কোভিড-১৯ৰ দ্বিতীয় পালি ভেকচিন গ্ৰহণ কৰাৰ পাছতো বহুতো চিকিৎসকৰ মৃত্যু হৈছে।

ভাৰতীয়  চিকিৎসকসকলৰ সৰ্বোচ্চ সংস্থাটোৱে অভিযোগ কৰিছে যে মহামাৰীৰ সময়ত যেতিয়া এলোপেথিক চিকিৎসক আৰু ঔষধে মানুহৰ জীৱন ৰক্ষা কৰিবলৈ চেষ্টা চলাইছিল তেতিয়া বাবা ৰামদেৱে তেওঁলোকৰ ভাবমূৰ্তিত আঘাত হানিছে।