NASA shares new images of Jupiter: নাছাই মুকলি কৰিলে বৃহস্পতি গ্ৰহৰ এক সম্পূৰ্ণ সুকীয়া ছবি; দেখি মুগ্ধ সকলো মহাকাশপ্ৰেমী!

NASA shares new images of Jupiter জেমছ ৱেব টেলিস্কোপে আৰম্ভণিৰে পৰাই মহাকাশ বিজ্ঞানৰ জগতখনত এক সুন্দৰ প্ৰভাৱ পেলাইছে। বহুতো বিৰল ছবি প্ৰকাশ কৰি ই এতিয়ালৈকে পুৰণি ধাৰণাবোৰ ব্যাপক সলনি দিশে আগবঢ়াই দিছে। বহু কোটি বছৰ পূৰ্বৰ পৃথিৱীৰ সৃষ্টিৰ সময়ৰ ছবিৰ পিছত এইবাৰ ই বৃহস্পতি গ্ৰহৰ এক বিৰল ছবি মুকলি কৰিছে।

এই ছবিবোৰ আগৰ ছবিবোৰতকৈ কিয় পৃথক? কাৰণ উন্নত প্ৰযুক্তি। জেমছ ৱেব টেলিস্কোপত আছে নিয়াৰ-ইনফ্ৰাৰেড কেমেৰা। যি মহাকাশৰ অৱজেক্টবোৰ চিনাক্ত কৰাত অতি দক্ষ। সেই কেমেৰাৰ ইনফ্ৰাৰেড বিকিৰণে মহাকাশৰ অসীম অন্ধকাৰ আৰু শূন্যতাৰ পৰা ইয়াৰ অভিপ্ৰেত বস্তুটোৰ কাষলৈ গৈ  ইয়াৰ ছবি তুলিবলৈ সক্ষম হয়।

বৃহস্পতি গ্ৰহৰ এই বিৰল শেহতীয়া ছবিৰ ক্ষেত্ৰতো একেই ঘটনা ঘটিছে। এই ছবিয়ে বৃহস্পতিক যিদৰে সন্মুখলৈ আনিছে সেয়া অভাৱনীয়, নান্দনিক। গ্ৰহটোক আৱৰি থকা অস্থিৰ অশান্ত গ্ৰেট ৰেড স্পটসমূহৰ দৃশ্য এই প্ৰথম দেখা পোৱা গৈছে।    

স্বাভাৱিকতে, সংশ্লিষ্ট সকলো মহলে এই ছবিখন দেখি বিস্ময়ত অভিভূত হৈছে। বৃহস্পতি গ্ৰহৰ এনে বিতং ছবি আগতে দেখাটো সঁচাকৈয়ে সম্ভৱ নাছিল, কিয়নো ইয়াক লোৱাৰ প্ৰযুক্তি ইমানদিনে সম্পূৰ্ণ নাছিল। এই ছবিত স্পষ্টভাৱে বৃহস্পতিৰ আঙুঠি, ইয়াৰ সৰু উপগ্ৰহ আৰু  ইয়াৰ পিছফালৰ ছায়াপথ দেখা পোৱা গৈছে।

জ্যোতিৰ্বিজ্ঞানীসকলৰ মাজত বৃহস্পতি গ্ৰহৰ প্ৰতি সদায় আন এটা বিশেষ আগ্ৰহ আছিল কিয়নো বৃহস্পতি আমাৰ সৌৰজগতৰ সৰ্ববৃহৎ গ্ৰহ। নাছাৰ দ্বাৰা মুকলি কৰা ইয়াৰ নতুন ছবিত তাৰ চাৰিওফালে ঘূৰি থকা ৰঙৰ বৰ্ণচ্ছটা, ইয়াৰ উত্তৰ মেৰু আৰু দক্ষিণ মেৰুৰ মেৰুজ্যোতি দেখা গৈছে। এই মেৰুজ্যোতিৰ বাবেই এই ছবি আৰু অধিক আকৰ্ষণীয় হৈ পৰিছে।

বৃহস্পতি গ্ৰহৰ দুটা উপগ্ৰহ তথা দুটা চন্দ্ৰ আছে – অদ্ৰাস্তি আৰু অমলথিয়া। এই দুয়োটাকো বৃহস্পতিৰ বিখ্যাত আঙুঠিৰ বাওঁফালে ছবিখনত দেখা গৈছে।