বিটিআৰ নিৰ্বাচনৰ প্ৰাকক্ষণত ২১ বিধ পৰম্পৰাগত সামগ্ৰীক জি আই টেগ প্ৰদান!

বড়োলেণ্ড টেৰিটৰিয়েল ৰিজিঅ’নত নিৰ্বাচনৰ প্ৰাকক্ষণত অঞ্চলটোৰ ২১বিধ পৰম্পৰাগত সামগ্ৰীক জি আই টেগ প্ৰদান কৰা কাৰ্যই চকু কপালত তুলিছে বৌদ্ধিক তথা ৰাজনৈতিক মহলৰ স্বাভাৱিকতেই প্ৰশ্ন উত্থাপন হয় যে কিয় ২২ ছেপ্টেম্বৰত অনুষ্ঠিত হ’বলগীয়া নিৰ্বাচনৰ পূৰ্বে এই সামগ্ৰীসমূহক জি আই টেগ প্ৰদান কৰা হ’ল?

যিহেতু যিকোনো অঞ্চৰ খিলঞ্জীয়া জনগোষ্ঠীৰ পৰম্পৰাগত সামগ্ৰীয়ে জি আই টেগ লাভ কৰাটো সেই অঞ্চলটোৰ বাবে গুৰুত্বৰ্ণ। বিটআৰৰ এই সামগ্ৰীসমূহে জি আই টেগ লাভ কৰাটোও ২৬টা খিলঞ্জীয়া জনগোষ্ঠীৰ মাজত সাংস্কৃতিক ঐতিহ্য ৰক্ষাৰ উৎসাহ বৃদ্ধি কৰাৰ বাবে গুৰুত্ব পূৰ্ণ। কাৰণ সেই অঞ্চলটোৰ বস্ত্ৰ, বাদ্যযন্ত্ৰ, খাদ্য আৰু ঔষধি উদ্ভিদকে ধৰি এই সামগ্ৰীসমূহে অঞ্চলটোৰ অৰ্থনৈতিক আৰু সাংস্কৃতিক পৰিচয়ক শক্তিশালী কৰিব তাত কোনো দ্বিমত নাই। কিন্তু চৰকাৰে যি সময়ত এই ঘোষণা কৰিলে সেই লৈ সন্দেহৰ অঙুলি উঠিছে।

উল্লেখ্য যে জৈৱ প্ৰযুক্তিবিদ লিং নাৰ্জিহাৰী, শিল্পী স্বপ্না মুচাহাৰী আৰু সমাজ কৰ্মী কানছাই ব্ৰহ্মকে ধৰি যুৱ পেছাদাৰী দল এটাই এই কাৰ্যত গুৰুত্বপূৰ্ণ ভূমিকা পালন কৰিছে। ২০২১ চনত আৰম্ভ হোৱা এই প্ৰক্ৰিয়াত তেওঁলোকে চৰকাৰী সহায়ত আৰোনাই, দখনা, জ্ৱমগ্ৰা বস্ত্ৰ, খাম আৰু চিফুং বাদ্যযন্ত্ৰ, লগতে মাইব্ৰা আৰু জু বিদ্বিৰ দৰে স্থানীয় পানীয়ৰ বাবে জি আই টেগ লাভ কৰাত সহায় কৰিছে। বিশেষজ্ঞসকলে কয় যে জি আই টেগে সামগ্ৰীসমূহৰ অৰ্থনৈতিক মূল্য বৃদ্ধি কৰাৰ লগতে সংস্কৃতি সংৰক্ষণৰ লগতে গ্ৰাম্য উন্নয়ন নিশ্চিত কৰিব।

ইফালে ইউ পি পি এলৰ মুখ্য কাৰ্যবাহী সদস্য প্ৰমোদ বড়োৰ নেতৃত্বত বড়োলেণ্ড টেৰিটৰিয়েল কাউন্সিলে হৈছে “জি আই গাঁও” সৃষ্টিৰ লক্ষ্যৰে বৰ্তমান জনজাতি, কোচ-ৰাজবংশী, গোৰ্খা, হাজংকে ধৰি ২৬টা জনগোষ্ঠীৰ পৰা অধিক সামগ্ৰী চিনাক্তকৰণ আৰু পঞ্জীয়নৰ অভিযান আৰম্ভ কৰিছে।