মহিলাৰ বাবে সংৰক্ষিত কৰা হ’ব ৩০% পদ : লিংগ বৈষম্য ৰোধৰ বাবে বৃহৎ সিদ্ধান্ত ষ্টেট বেংকৰ

ভাৰতৰ মহিলা চাকৰি প্ৰত্যাশীসকলৰ বাবে সুখবৰ। ভাৰতীয় ষ্টেট বেংকে লৈছে এটা ডাঙৰ সিদ্ধান্ত। অহা পাঁচ বছৰৰ ভিতৰত মহিলা কৰ্মচাৰীৰ সংখ্যা ৩০ শতাংশলৈ বৃদ্ধি কৰিব ভাৰতীয় ষ্টেট বেংকে। যাৰ বাবে বেংকৰ নিযুক্তি প্ৰক্ৰিয়াত ৩০% পদ মহিলাৰ বাবে সংৰক্ষিত কৰা হ’ব। কৰ্মক্ষেত্ৰত লিংগ সমতাৰ প্ৰতিষ্ঠাৰ লক্ষ্যেৰে এই সিদ্ধান্ত লোৱা হৈছে বুলি বেংকে প্ৰকাশ কৰিছে।

বৰ্তমান ভাৰতীয় ষ্টেট বেংকত ২.৪ লাখৰো অধিক কৰ্মচাৰী আছে। যিটো দেশৰ যিকোনো প্ৰতিষ্ঠানৰ ভিতৰত সৰ্বাধিক। কোম্পানীটোৰ উপ-পৰিচালন সঞ্চালক কিশোৰ কুমাৰে কয় যে বৰ্তমান এছ বি আইৰ ফ্ৰণ্টলাইন কৰ্মচাৰীৰ মহিলাৰ সংখ্যা ৩৩ শতাংশ। অৱশ্যে সামগ্ৰিকভাৱে এই সংখ্যা ২৭ শতাংশ। এই সংখ্যা বৃদ্ধি কৰাৰ সিদ্ধান্ত লোৱা হৈছে। কোম্পানীত লিংগ বৈষম্য দূৰ কৰাৰ বাবে উপযুক্ত পদক্ষেপ গ্ৰহণ কৰা হ’ব।

ইয়াৰ উপৰিও মহিলাসকলৰ বাবে একাধিক স্বাস্থ্য আঁচনিৰ ব্যৱস্থা কৰিছে বেংকটোৱে। ইয়াৰ ভিতৰত মহিলাৰ বাবে ছাৰ্ভাইকেল আৰু স্তন কেন্সাৰ স্ক্ৰীনিং। গৰ্ভৱতী কৰ্মচাৰীৰ বাবেও পুষ্টি ভাট্টা প্ৰৱৰ্তনৰ পৰিকল্পনা কৰা হৈছে। বৰ্তমান ভাৰতীয় ষ্টেট বেংকৰ ৩৪০ টা মহিলা পৰিচালিত শাখা আছে। অনাগত দিনত এই সংখ্যা বৃদ্ধিৰ বাবে বেংকে মহিলা সবলীকৰণৰ পদক্ষেপ গ্ৰহণ কৰিব।