মুম্বাইৰ মাৰাঠা মন্দিৰত ৩০ বছৰে যদি ‘DDLJ’ চলিব পাৰে তেন্তে ৰৈ ৰৈ বিনালে-কো দিয়া হওক স্থায়ী দৰ্শনীঃ দাবী অনুৰাগীৰ

সমগ্ৰ অসমবাসীয়ে বহু প্ৰত্যাশিত ছবি ৰৈ ৰৈ বিনালে-ক এখন ঐতিহাসিক চলচ্চিত্ৰলৈ ৰূপান্তৰ কৰাৰ বাবে এক প্ৰচেষ্টা চলাইছে। জুবিন গাৰ্গৰ ছিংগাপুৰত হোৱা কৰুণ মৃত্যুৱে অসমক শোকাকুল কৰি ৰখাৰ মাজতে এই ছবিখনক লৈ ব্যাপক আশাবাদী সাধাৰণ ৰাইজ।

একত্ৰিশ অক্টোবৰত মুক্তি পাবলগীয়া ছবিখনৰ প্ৰি-বুকিং শুকুৰবাৰে সন্ধিয়া মুকলি কৰা হয় আৰু কিছু ঘণ্টাৰ ভিতৰতে অসমৰ বিভিন্ন ছবিগৃহৰ প্ৰায় প্ৰতিখন আসন ভৰ্তি হৈ পৰে।

ইয়াৰ মাজতে এক বিশেষ দাবীয়ে সকলোৰে দৃষ্টি আকৰ্ষণ কৰিছে। মুম্বাইস্থিত চিনেমা হল মাৰাঠা মন্দিৰৰ সৈতে তুলনা কৰি জুবিন অনুৰাগীয়ে ৰৈ ৰৈ বিনালে-ক স্থায়ী দৰ্শনী দিবলৈ আহ্বান জনাইছে। উল্লেখ্য যে মাৰাঠা মন্দিৰ এনে এটা ছবিগৃহ য’ত তিনিটা দশকৰো অধিক সময় ধৰি শ্বাহৰুখ খানৰ ‘দিলৱালে দুলহানিয়া লে জায়েংগে’ অবিৰতভাৱে প্ৰদৰ্শিত হৈ আহিছে।

গুৱাহাটীৰ এজন জনসম্পৰ্কৰক্ষী উপদেষ্টা সুভাংকৰ বেনাৰ্জীয়ে কয় যে ‘যদি ডিডিএলজে মাৰাঠা মন্দিৰ মুম্বাইত ৩০ বছৰতকৈ অধিক সময় চলিব পাৰে, তেন্তে গুৱাহাটীতো আমি একেটা ধৰণে ৰৈ ৰৈ বিনালেৰ বাবে স্থায়ী কথা ভাবিব পাৰো বুলি মই উপলব্ধি কৰোঁ।’

বেনাৰ্জীয়ে লগতে অসম চলচ্চিত্ৰ নিগমৰ অধ্যক্ষ সীমান্ত শেখৰক পোনপটীয়াকৈ আইদেউ চিনেমা হলত ৰৈ ৰৈ বিনালেৰ অনিৰ্দিষ্টকালীন দৰ্শনীৰ প্ৰতিশ্ৰুতি দিবলৈ অনুৰোধ জনায়।