দুধনৈত থানাত আৰক্ষী উপ- পৰিদৰ্শকৰ আত্মহত্যাক লৈ চাঞ্চল্য
দুধনৈ আৰক্ষী থানাত নিজৰ ছাৰ্ভিচ পিষ্টলেৰে মূৰত গুলীয়াই আৰক্ষীৰ এজন উপ-পৰিদৰ্শকে আত্মহত্যা কৰাক লৈ সৃষ্টি হৈছে চাঞ্চল্যৰ ৷ নিহত উপ-পৰিদৰ্শকজনৰ নাম উপেন্দ্ৰ নাথ তালুকদাৰ ৷ তেওঁৰ উপেন্দ্ৰ নাথ তালুকদাৰৰ ঘৰ পাঠশালাত ৷
জানিব পৰা মতে দুধনৈ আৰক্ষী থানাৰ উপ-পৰিদৰ্শক উপেন্দ্ৰ নাথ তালুকদাৰে দেওবাৰে নিচেই পুৱা নিজৰ ছাৰ্ভিচ পিষ্টলেৰে মূৰত গুলীয়াই আত্মহত্যা কৰে ৷ গোৱালপাৰা আৰক্ষী অধীক্ষকে জনোৱা মতে নিহত SI তালুকদাৰ কিছু শাৰীৰিক অসুস্থাত ভূগি আছিল ৷ ইফালে পুৱা নিজ কৰ্তব্যত অনুপস্থিত থকাত ভাৰপ্ৰাপ্ত আৰক্ষী শৈলেন ৰয়ে SI জনৰ কোঠাত মাতিবলৈ গৈ প্ৰত্যক্ষ কৰে তেওঁ তেজেৰে লটুৰি পুতুৰি হৈ বিছনাত পৰি আছিল আৰু নিজৰ ছাৰ্ভিছ ৰিভলভাৰটো মাটিত পৰি আছিল ৷
ঘটনাস্থলীৰ পৰা আৰক্ষীয়ে দুটা খালী কাৰ্টিজ উদ্ধাৰ কৰে ৷ যথেষ্ঠ অমায়িক স্বভাৱৰ আৰক্ষী বিষয়াজনে কি কাৰণত আত্মহত্যাৰ দৰে চৰম পন্থা বাছি ল’ব ল’গা হ’ল সেয়া অদ্যপি ৰহস্যৰ আৱৰ্তত ৷ আৰক্ষী আৱাসত থকা আৰক্ষী বিষয়াজনৰ মৃতদেহৰ কাষত কোনো ধৰণৰ আত্মহত্যাৰ টোকা উদ্ধাৰ হোৱা নাই ৷ সেয়েহে আত্মহত্যাৰ প্ৰকৃত কাৰণ বৰ্তমানলৈ জানিব পৰা হোৱা নাই ৷
You may also like
পঞ্চায়ত নিৰ্বাচনৰ পূৰ্বে দুহেজাৰ প্ৰাথমিক বিদ্যালয় প্ৰাদেশিকীকৰণৰ ঘোষণা হিমন্তৰ
আগন্তুক পঞ্চায়ত নিৰ্বাচনৰ পূৰ্বে ৰাজ্যৰ ২০০০খন প্ৰাথমিক বিদ্যালয় প্ৰাদেশিকীকৰণ কৰাৰ কথা ঘোষণা কৰিছে ৰাজ্যৰ শিক্ষা মন্ত্ৰী ড০ হিমন্ত বিশ্ব শৰ্মাই। তেওঁ লগতে…
বন ধ্বংসৰ বিৰুদ্ধে তীব্ৰ প্ৰতিবাদ! ডিগবৈত বন বিষয়াৰ পুত্তলিকা দাহ
অসম জাতীয়তাবাদী যুৱ ছাত্ৰ পৰিষদ (এজেয়াইচিপি) মাৰ্ঘেৰিটা শাখাৰ সদস্যসকলে লিডুত এনএইচ-৩১৫ত বন ধ্বংসৰ বিৰুদ্ধে তীব্ৰ প্ৰতিবাদ সাব্যস্ত কৰে। ক্ষোভিত প্ৰতিবাদকাৰীসকলে ডিগবৈ বন…
জেড নুনিছা অসম ট্ৰাইবেল পৰিষদৰ সাধাৰণ সম্পাদক নিয়োজিত
জেড নুনিছাক অসম গণ কৰিষদে ইয়াৰ জনজাতীয় শাখাটোৰ সাধাৰণ সম্পাদক নিয়োগ কৰিছে। অগপৰ ইতিহাসত এই প্ৰথম বাৰৰ বাবে এগৰাকী ডিমাছা যুৱকক এই…
১০০ ফুট উচ্চতাৰ ৰাষ্ট্ৰীয় পতাকা উত্তোলন কৰিলে মণিপুৰৰ মুখ্য মন্ত্ৰী এন বীৰেন সিঙে
মণিপুৰৰ মুখ্য মন্ত্ৰী নংথমবাম বীৰেন সিঙে আজি দেশৰ ৬৯ সংখ্যক গণৰাজ্য দিৱস উপলক্ষে ১০০ ফুট উচ্চতাৰ ৰাষ্ট্ৰীয় পতাকা উত্তোলন কৰে। গণৰাজ্য দিৱসৰ…