কবিতা কনচাৰ্ট আৰু বিশেষ অভিনন্দন অনুষ্ঠান আয়োজনৰ ব্যাপক প্ৰস্তুতি বিশ্বনাথত

বাঘমৰা আঞ্চলিক গোৰ্খা ছাত্ৰ সন্থাৰ উদ্যোগত আৰু বিশ্বনাথ জিলা ছাত্র সন্থাৰ সহযোগত অহা ১৫ জুলাইত কবিতা চৰ্চাৰ এক নতুন চিন্তা ধাৰা আগত ৰাখি “কবিতা কনচাৰ্ট” শীৰ্ষক আৰু বিশেষ অভিনন্দন অনুষ্ঠানৰ আয়োজন কৰিছে।

বিশ্বনাথ মহাবিদ্যালয় প্ৰেক্ষাগৃহত দিনজোৰা কাৰ্য্যসূচীৰে অনুষ্ঠিত হ’বলগীয়া উক্ত অনুষ্ঠানত আন্ত:ৰাষ্ট্ৰীয় খ্যাতিসম্পন্ন তথা পদ্মশ্ৰী সন্মানেৰে বিভূষিত যুৱ কবি নৱৰাজ পৰাজুলীয়ে অংশ গ্ৰহণ কৰিব।

অনুষ্ঠানটোত কবি নৱৰাজ পৰাজুলীয়ে কবিতা পৰিৱেশন কৰাৰ লগতে কবিতা কনচাৰ্টৰ ওপৰত কবিতা চৰ্চাৰ লগত জড়িত লোকসকলক তেওঁৰ অভিজ্ঞতাৰ বিষয়ে সম্যক আভাষ  দিয়াৰ প্ৰয়াস কৰিব বুলি বাঘমৰা আঞ্চলিক গোৰ্খা ছাত্ৰ সন্থাৰ সভাপতি গংগাৰাম ফুয়েল আৰু সম্পাদক অনুপ শৰ্মাই জানিবলৈ দিছে।

এই অনুষ্ঠানত সাহিত্য, সংস্কৃতি, খেলা-ধূলা,  শিক্ষা আদি বিভিন্ন বিষয়ত সফলতাৰে সন্মান বুটলিবলৈ সক্ষম হোৱা ব্যক্তি আৰু ছাত্ৰ-ছাত্ৰীসকলক অভিনন্দন জনোৱা হ’ব বুলি জনায়।

ইয়াৰ উপৰি অনুষ্ঠানটি সাফল্য মণ্ডিত কৰি তুলিবলৈ স্থানীয় সাহিত্যিক অনুষ্ঠান, দল-সংগঠন  তথা ৰাইজৰ সহায় সহযোগিতাৰ লগতে উপস্থিতি কামনা কৰিছে উদ্যোক্তাই।