বিশ্বনাথত সদৌ অসম সূৰ্য বৰা সোঁৱৰণি একাংক নাট প্ৰতিযোগিতাৰ ব্যাপক প্ৰস্তুতি

বিশ্বনাথ চাৰিআলিস্থিত বীণাপাণি নাট্য মন্দিৰত অহা ২৭, ২৮ আৰু ২৯ ছেপ্টেম্বৰৰ পৰা তিনিদিনীয়া কাৰ্যসূচীৰে অনুষ্ঠিত হ’ব ৫৭ তম সদৌ অসম সূৰ্য বৰা সোঁৱৰণি একাংক নাট প্ৰতিযোগিতা।

ইতিমধ্যে প্ৰতিযোগিতাৰ বাবে পাণ্ডুলিপি প্ৰেৰণৰ দিন অহা ২০ আগষ্ট ধাৰ্য কৰা বুলি এক সংবাদ মেলৰ জৰিয়তে প্ৰকাশ কৰিছে সমিতিৰ সভানেত্ৰী অৰুণা বৰা, উপ-সভাপতি হিৰণ্য হাজৰিকা, সাধাৰণ সম্পাদক ভবেন বৰুৱা আৰু বিষয়ববীয়া সকলে।

প্ৰতিযোগিতাৰ শ্ৰেষ্ঠ দলক ২৫ হেজাৰ, দ্বিতীয় শ্ৰেষ্ঠ দলক ২০ হেজাৰ, তৃতীয় শ্ৰেষ্ঠ দলক ১৫ হেজাৰ নগদ টকাৰ মাননি প্ৰদান কৰা হ’ব।

উল্লেখযোগ্য যে প্ৰতিযোগিতাখনত অংশগ্ৰহণ কৰিব খোজা নাট্যদল সমুহে প্ৰেৰণ কৰিবলগীয়া পাণ্ডুলিপি সমুহ “সম্পাদক, সদৌ অসম সূৰ্য বৰা সোঁৱৰণী একাংক নাট প্ৰতিযোগিতা সমিতি, ডাক: বিশ্বনাথ চাৰিআলি, বীণাপাণি নাট্য মন্দিৰ,৭৮৪১৭৬” এই ঠিকনাত প্ৰেৰণ কৰিবলৈ আহ্বান জনাইছে উদ্যোক্তা সকলে।

সংবাদ মেলত, উপদেষ্টা কমল ভূঞা, সহকাৰী সম্পাদক, হেমন্ত শইকীয়া, মিলন বৰা, বিমল বৰা, গৌতম বৰা, হীৰেণ বৰা আদি উপস্থিত থাকে। উল্লেখ্য যে  প্ৰতিযোগিতাৰ ভৰ্তি মাচুল ৫০০ টকা ধাৰ্য কৰা হৈছে বুলি সংবাদ মাধ্যমৰ আগত উদ্যোক্তাসকলে অৱগত কৰে।