বোকাখাতত প্ৰধানমন্ত্রী আৱাস যােজনাৰ গৃহ আৰু এম জি এনৰেগাৰ প্রকল্প উদ্বোধন মন্ত্ৰী অতুল বৰাৰ

কেবিনেট মন্ত্রী অতুল বৰাই আজি নিজৰ গৃহ সমষ্টি গােলাঘাট পশ্চিম উন্নয়ন খণ্ডৰ অন্তৰ্গত বিভিন্ন গাওঁ পঞ্চায়তত সম্পূর্ণ হােৱা ৩৪ টা প্রধানমন্ত্রী আৱাস যােজনাৰ অধীনৰ বাসগৃহ আৰু এম জি এনৰেগাৰ আঁচনিৰ জৰিয়তে সম্পূর্ণ হােৱা ১৮ টা গ্ৰামীন প্রকল্পৰ শুভ-উদ্বোধন কৰে।

উল্লেখযোগ্য যে অসম চৰকাৰৰ পঞ্চায়ত আৰু গ্রামােন্নয়ন বিভাগে ৰাজ্যৰ প্ৰতিখন জিলাতে ১০০ টাকৈ প্রধান মন্ত্রী আৱাস যােজনাৰ গৃহ আৰু ১০০ টাকৈ এম জি এনৰেগাৰ আঁচনিৰ অধীনত এই প্ৰকল্পসমূহ নিৰ্মাণ কৰা হৈছে।

এই উপলক্ষে আয়োজিত উদ্বোধনী অনুষ্ঠানত ভাষণ প্রদান কৰি মন্ত্ৰী গৰাকীয়ে গ্রাম্য অঞ্চলৰ দৰিদ্ৰ লােক সকলৰ উন্নয়ন তথা গ্রামাঞ্চলৰ বাট-পথ সমূহৰ উন্নয়ন হলেহে সামগ্রিকভাৱে ৰাজ্যখনৰ উন্নয়ন সম্ভৱ হ’ব বুলি মন্তব্য কৰে।

বৰ্তমানৰ ৰাজ্য চৰকাৰখনে দৰিদ্ৰ জনসাধাৰণৰ উন্নয়নত সৰ্বাধিক গুৰুত্ব প্রদান কৰিছে বুলি উল্লেখ কৰি মন্ত্ৰী অতুল বৰাই এই ক্ষেত্ৰত চৰকাৰী বিষয়া-কৰ্মচাৰীৰ সকলক নিষ্ঠা আৰু সততাৰে চৰকাৰী আঁচনিৰ কামত মনােনিৱেশ কৰিবলৈ আহ্বান জনায়।

অনুষ্ঠানত বােকাখাতৰ মহকুমাধিপতি বিবেক শ্যাম, গােলাঘাট পশ্চিম উন্নয়ন খণ্ডৰ উন্নয়ন বিষয়া ৰবীন শইকীয়া প্রমূখে ভালেসংখ্যক লােক উপস্থিত থাকে।