নগাঁৱত স্বাধীনতা দিৱসৰ পতাকা উত্তোলন কৰিলে মন্ত্ৰী ৰঞ্জিত দত্তই
সমগ্ৰ দেশবাসীয়ে আজি ৭২ সংখ্যক স্বাধীনতা দিৱস উদযাপন কৰাৰ সমান্তৰালভাৱে নগাঁও জিলাতো স্বাধীনতা দিৱস উদযাপন কৰা হয়। নগাঁও জিলা প্ৰশাসনৰ উদ্যোগত নগাঁও নুৰুল আমিন ষ্টেডিয়ামত কেন্দ্ৰীয়ভাৱে উদযাপন কৰা স্বাধীনতা দিৱসৰ কাৰ্যসূচীত বিশিষ্ট অতিথি হিচাপে অংশগ্ৰহণ কৰি মন্ত্ৰী ৰঞ্জিত দত্তই ৰাষ্ট্ৰীয় পতাকা উত্তোলন কৰে।
মন্ত্ৰীগৰাকীয়ে পতাকা উত্তোলন কৰি প্ৰদান কৰা ভাষণত চৰকাৰৰ বিভিন্ন উন্নয়নমূলক কাম-কাজৰ খতিয়ান দাঙি ধৰাৰ উপৰি আহি থকা দিনত চৰকাৰে পৰিকল্পনা কৰা বিভিন্ন বিভাগৰ আঁচনি সম্পৰ্কে বিস্তৃত ব্যাখ্যা আগবঢ়ায় ৷
ভাষণ প্ৰসংগত বিশ্ব জয় কৰা নগাঁৱৰ ধিঙৰ হিমা দাসকো অভিনন্দন জ্ঞাপন কৰে মন্ত্ৰীগৰাকীয়ে। ভাষণৰ অন্তত মন্ত্ৰী দত্তই জিলাখনৰ আৰক্ষী, যান-বাহন আৰক্ষী, গৃহৰক্ষী বাহিনী, এন চি চি, স্কাউট আৰু জিলাখনৰ বিভিন্ন বিদ্যালয়ৰ ছাত্ৰ-ছাত্ৰীৰ কুচকাৱাজৰ অভিবাদন গ্ৰহণ কৰে।
এই অনুষ্ঠানৰ সমান্তৰালকৈ অনুষ্ঠিত হোৱা সাংস্কৃতিক আৰু সম্বৰ্ধনা অনুষ্ঠানত মন্ত্ৰীগৰাকীয়ে কেইবাজনো বিশিষ্ট ব্যক্তিক সম্বৰ্ধনা জনায়। এই অনুষ্ঠানতে স্বৰ্ণ জয়ী হিমা দাসৰ হৈ পিতৃ ৰঞ্জিৎ দাসে মন্ত্ৰীগৰাকীৰ পৰা সম্বৰ্ধনা গ্ৰহণ কৰে।
উল্লেখ্য যে, বিভিন্ন দল-সংগঠনে স্বাধীনতা দিৱস বৰ্জন কৰিবলৈ জনোৱা আহ্বানক নস্যাৎ কৰি বিগত বহু বছৰৰ মূৰত নগাঁৱৰ নুৰুল আমিন ষ্টেডিয়ামত অভিলেখ সংখ্যকভাৱে জনসাধাৰণে স্বাধীনতা দিৱসত অংশগ্ৰহণ কৰা পৰিলক্ষিত হয়।
You may also like
AFSPA নতশিৰ কেন্দ্ৰ! নাগালেণ্ডৰ পৰা বিতৰ্কিত আইন প্ৰত্যাহাৰৰ বাট মুকলি কৰিলে অমিত শ্বাহে
সাহসী নগাসকলৰ ওচৰত ভয় খাইছে ভাৰত চৰকাৰে! নাগালেণ্ডৰ ৰাজনীতিত বিজেপিৰ প্ৰভাৱ অক্ষুণ্ণ ৰাখিবলৈ এইবাৰ প্ৰচেষ্টা হাতত ল’বলৈ ওলাইছে গৃহমন্ত্ৰী অমিত শ্বাহে। নাগালেণ্ডৰ…
মহানগৰীত মৃত অৱস্থাত উদ্ধাৰ বিজেপি নেতা কমল দে, হত্যাৰ সন্দেহ
সোমবাৰে পুৱা গুৱাহাটীত ৰহস্যজনকভাৱে মৃত অৱস্থাত উদ্ধাৰ হয় ভাৰতীয় জনতা পাৰ্টিৰ এজন নেতা। গুৱাহাটীৰ মালিগাঁও অঞ্চলত স্থানীয় ৰাইজে মৃত অৱস্থাত উদ্ধাৰ কৰে…
কোকৰাঝাৰত চিকিৎসালয়তে সন্তানৰ মাতৃ হ’ল দুগৰাকী কোভিড-১৯ প’জিটিভ মহিলা; চিকিৎসা কৰ্মীক কৃতজ্ঞতা
কোকৰাঝাৰৰ ৰূপানাথ ব্ৰহ্ম অসামৰিক চিকিৎসালয়ত দুগৰাকী কোভিড-১৯ প’জিটিভ মহিলাই শুকুৰবাৰে সন্তান প্ৰসৱ কৰে। চিকিৎসালয়খনত কৰ্মৰত চিকিৎসক আৰু নাৰ্চ সকলে গৰ্ভৱতী কোভিড-১৯ প’জিটিভ…
৭ ফেব্ৰুৱাৰিত হ’ব বড়ো চুক্তি উদযাপন অনুষ্ঠান; উপস্থিত থাকিব প্ৰধান মন্ত্ৰী মোদী
আজি নতুন দিল্লীত কেন্দ্ৰীয় গৃহ মন্ত্ৰী অমিত শ্বাহ, মুখ্য মন্ত্ৰী সৰ্বানন্দ সোণোৱাল, বিত্ত মন্ত্ৰী হিমন্ত বিশ্ব শৰ্মাৰ উপস্থিতিত বড়ো নেতৃত্বই স্বাক্ষৰ কৰে…