বাংলাদেশৰ সেনাত নিযুক্ত প্ৰথমগৰাকী মহিলা মেজৰ জেনেৰেল ড০ ছুছান গিতি
প্ৰথমবাৰৰ বাবে বাংলাদেশৰ সেনা বাহিনীয়ে ইয়াৰ মেজৰ জেনেৰেল পদত নিযুক্তি দিলে এগৰাকী মহিলাক। দেওবাৰে বাংলাদেশ সেনাৰ সৰ্বাধিনায়ক আজিজ আহমেদ আৰু কোৱাৰ্টাৰ মাষ্টাৰ জেনেৰেল লেঃ জেনেৰেল মহম্মদ শামছুল হকে প্ৰথম গৰাকী মহিলা হিচাপে ড০ ছুছান গিতিক মেজৰ জেনেৰেল মৰ্যাদাৰ বেজ প্ৰদান কৰে।
মেজৰ জেনেৰেল ড০ ছুছান গিতিয়ে ১৯৮৫ চনত ৰাজশ্বাহী মেডিকেল কলেজৰ পৰা এম বি বি এছ ডিগ্ৰী লাভ কৰাৰ পিছত বৰ্তমান সেনা বাহিনীৰ মেডিকেল কলেজৰ পেথ’লজি বিভাগৰ মুৰব্বী হিচাপে কৰ্মৰত আছিল।
তেওঁ এম বি বি এছ ডিগ্ৰীৰ উপৰিও এম চি পি এছ, এফ চি পি এছ, এম এম এ ডিৰ দৰে কেইবাটাও সন্মানীয় ডিগ্ৰী লাভ কৰিছে।
ড০ গিতিয়ে ১৯৮৬ চনত বাংলাদেশ সেনা বাহিনীৰ মেডিকেল পদত এগৰাকী চিকিৎসক হিচাপে কেপ্টেইন পদ মৰ্যাদাৰে যোগদান কৰিছিল।
তেওঁ ১৯৯৬ চনত প্ৰথমগৰাকী মহিলা হিচাপে হেমাট’লজিত এফ চি পি এছ ডিগ্ৰীও লাভ কৰিছিল।
তেওঁ পূৰ্বতে কেইবাখনো সামৰিক হাস্পাতলত কাম কৰিছিল আৰু তেওঁৰ স্বামী ব্ৰিগেডিয়াৰ জেনেৰেল (অৱসৰপ্ৰাপ্ত) আছাদুল্লাহ মহম্মদ হুছেইন চাদ সেনাৰ এগৰাকী চিকিৎসক আছিল।
প্ৰধনমন্ত্ৰী শ্বেখ হাছিনাৰ শাসনকালত ড০ গিতিৰ নিযুক্তিয়ে বাংলাদেশত এটা নতুন ইতিহাসৰ সৃষ্টি কৰিলে।
You may also like
ভাৰতীয় সেনাৰ মনোবল ভাঙিবলৈ লাডাখ সীমান্তত চীনে বজাইছে পাঞ্জাৱী সংগীত,হিন্দী ভাষণ
চীন-ভাৰত সীমান্তৰ লাডাখৰ পাহাৰ-পৰ্বত ভেদ কৰি এতিয়া বাজি উঠিছে পাঞ্জাৱী সংগীত। প্ৰেমিকাই প্ৰেমিকক উদ্দেশ্যি হিয়া উজাৰি গাইছে গান। কিন্তু সীমান্তত সদা ব্যস্ত…
নগাঁও কচুৱাৰ দলবদ্ধ ধৰ্ষণকাণ্ডৰ মূল অভিযুক্ত মুকলেচ আলীক গ্ৰেপ্তাৰ
নগাঁৱৰ কচুঁৱা হালধিআটিত সংঘটিত হোৱা দলবদ্ধ ধৰ্ষণকাণ্ডৰ ঘটনাৰ লগত জড়িত মূল খলনায়ক তথা অভিযুক্তক আজি গ্ৰেপ্তাৰ কৰিবলৈ সক্ষম হয়। কচুৱা আৰু কামপুৰ…
দেশৰ ন্যায়িক ব্যৱস্থাক আক্ৰমণ তথ্য চুৰিত অভিযুক্ত ট্ৰাম্পৰ; সমৰ্থকক ঐক্যবদ্ধ হোৱাৰ আহ্বান
আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পৰ বিৰুদ্ধে দেশৰ প্ৰতিৰক্ষাৰ সৈতে জড়িত গোপন নথি-পত্ৰ চুৰি কৰাৰ অভিযোগ উত্থাপন হৈছে। অৱশ্যে তেওঁ ইয়াত হাৰ মানিবলৈ…
ৰাষ্ট্ৰীয় নেতৃত্বই হিমন্তক দেশৰ যিকোনো এটা সমষ্টি বাছি ল’বলৈ কোৱা কথা ‘অসত্য’ প্ৰমাণ হ’ল
মাত্ৰ দুদিন পূৰ্বে কোৱা নিজৰ কথাকে ‘ভিত্তিহীন’ বুলি নিজেই প্ৰমাণ কৰিলে ৰঞ্জিত দাসে। ১৫ মাৰ্চত সংবাদ মাধ্যমৰ আগত কৈছিল যে অসম তথা…