মাদাৰ’ছ অ’ল্ড এজ হ’মত “ৰ’দ,বৰষুণ আৰু জীৱনৰ পুৰাতন কথাবোৰ” নামৰ কাব্য গ্ৰন্থ উন্মোচন

দেওবাৰে দুপৰীয়া গুৱাহাটীৰ মাদাৰ’ছ অল্ড এজ হ’মত এক গাম্ভীৰ্যপূৰ্ণ অনুষ্ঠানত “ৰ’দ, বৰষুণ আৰু জীৱনৰ পুৰাতন কথাবোৰ” নামৰ এখনি কাব্য-গ্ৰন্থৰ উন্মোচন কৰা হয়। কাব্য-গ্ৰন্থ খন উন্মোচন কৰে বিশিষ্ট কবি নীলিম কুমাৰে।

উন্মোচনী অনুষ্ঠানটিত উপস্থিত থাকে বিশিষ্ট নিবন্ধ লিখক তথা শিৱসাগৰ মহাবিদ্যালয়ৰ ৰাজনীতি বিজ্ঞান বিভাগৰ মূৰব্বী অধ্যাপক ড০ সব্যসাচী মহন্ত,  ৰঙিয়া মহাবিদ্যালয়ৰ অধ্যাপক তথা বিশিষ্ট কবি কবিন দাসৰ লগতে মাদাৰ’ছ অ’ল্ড এজ হ’মৰ আৱাসী সকলো আইতাৰ লগতে বহুটো গণ্য মান্য ব্যক্তি।

প্ৰেম, মানৱতাবোধ, জীৱন, প্ৰকৃতি আদিৰ ওপৰত ৰচিত প্ৰায় ৮০ টা কবিতা সংকলনৰ ‘’ৰ’দ, বৰষুণ আৰু জীৱনৰ পুৰাতন কথাবোৰ’’ নামৰ কাব্য-গ্ৰন্থখনত ফেচবুকৰ জৰিয়তে চিনাকি হোৱা চাৰি বন্ধু বন্দনা কৌশিক বৰদলৈ (শিৱসাগৰ), নয়নমণি শৰ্মা(মঙ্গলদৈ), প্ৰঞ্জল শৰ্মা (ৰঙিয়া) আৰু মৃন্ময় শৰ্মা (নলবাৰী )ৰ স্ব-ৰচিত কবিতা সন্নিবিষ্ট কৰা হৈছে।

“ৰ’দ, বৰষুণ আৰু জীৱনৰ পুৰাতন কথাবোৰ” নামৰ দেওবাৰে উন্মোচিত কবিতা-পুথিখন মাদাৰ’চ অল্ড এজ হ’ম ৰ প্ৰতিগৰাকী আইতাৰ নামত উৎসৰ্গা কৰা বুলি ব্যক্ত কৰে কবি বন্দনা কৌশিক বৰদলৈয়ে।