বোকাখাতত বিদ্যুৎ বিলৰ বিসংগতিৰ তদন্তৰ দাবী কৃষক মুক্তি সংগ্ৰাম সমিতিৰ

বোকাখাতৰ বিদ্যুৎ গ্ৰাহকক বিলৰ নামত হাৰাশাস্তি কৰা বুলি অভিযোগ উত্থাপন কৰিছে কৃষক মুক্তি সংগ্ৰাম সমিতিয়ে।

কৃষক মুক্তি সংগ্ৰমা সমিতিয়ে উত্থাপিত কৰা অভিযোগ অনুসৰি বোকাখাত মহকুমাৰ বহু গাঁৱত বোকাখাতৰ বিদ্যুৎ বিভাগে যোৱা আগষ্ট আৰু ছেপ্টম্বৰ মাহত গ্ৰাহকক বিদ্যুতৰ বিল প্ৰদান নকৰি অক্টোবৰ মাহত হে প্ৰদান কৰে।

ফলত বোকাখাতৰ ম’হমাইকী গাঁৱৰ লগতে অন্যান্য গাঁৱৰ বিদ্যুৎ গ্ৰাহকক এতিয়া ৪-৮ হেজাৰ টকাৰ বিদ্যুৎ বিল প্ৰদান কৰে।

এই সন্দৰ্ভত কৃষক মুক্তি সংগ্ৰাম সমিতিৰ গোলাঘাট জিলাৰ উপ-সভাপতি ৰতন দাৱে ম’হমাইকী গাঁৱৰ গ্ৰাহক সকলক লৈ আজি বোকাখাতৰ বিদ্যুৎ বিভাগৰ কাৰ্যালয়লৈ গৈ এই সম্পৰ্কে অভিযোগ দাখিল কৰে।

আনহাতে গ্ৰাহক সকলে প্ৰতি মাহে বিদ্যুৎ বিল পৰিশোধ কৰি অহাৰ পিছতো এনেদৰে বিসংগতিৰে গ্ৰাহকক হাৰাশাস্তি কৰাৰ বাবে কৃষক মুক্তি সংগ্ৰাম সমিতিয়ে আজি বোকাখাতৰ মহকুমাধিপতিকো এই সম্পৰ্কত এক উচিত তদন্তৰ কৰাৰ বাবে দাবী জনাই অভিযোগ দাখিল কৰে।

তাৰোপৰি বিদ্যুৎ পৰিষদে এনেদৰে গ্ৰাহকক হাৰাশাস্তি কৰি ধন সংগ্ৰহ কৰা কাৰ্য বন্ধ নকৰিলে কৃষক মুক্তি সংগ্ৰাম সমিতিয়ে বিদ্যুৎ বিভাগৰ বিৰুদ্ধে আন্দোলনৰ কাৰ্যসূচী গ্ৰহণ কৰিব বুলিও সকীয়াই দিয়ে।

.