কলিয়াবৰৰ নলতলিত ভয়ংকৰ পথ দুৰ্ঘটনা; এজন নিহত, গুৰুতৰভাৱে আহত পাঁচজন
আজি ৰাতিপুৱাই কলিয়াবৰৰ নলতলিত সংঘটিত হয় এক ভয়ংকৰ দুৰ্ঘটনা। ট্ৰেভেলাৰ আৰু মেজিকৰ মাজত হোৱা প্ৰচণ্ড মুখামুখি সংঘৰ্ষৰ ফলত এজন লোক নিহত হোৱাৰ লগতে পাঁচজনকৈ লোক গুৰুতৰভাৱে আহত হয়।
দুৰ্ঘটনাত আহত হোৱা লোক কেইজনক স্থানীয় লোকৰ সহযোগত চুলুং আৰক্ষীয়ে তাৎক্ষণিকভাৱে জখলাবন্ধা চিকিৎসালয়ত ভৰ্তী কৰায়। ইফালে এই শোকাৱহ দুৰ্ঘটনাটোত নিহত হোৱা লোকজন কলিয়াবৰৰ ধনেখুৱাৰ নিৱাসী মদন বিশ্বাস (৫০) বুলি জানিব পৰা গৈছে।
আনহাতে আহত সকল ক্ৰমে চম্ভু চাহানী( জখলাবন্ধা), দীলিপ বৰুৱা, ( চিকণি বৰহুলা), লক্ষনলাল চুহান (জখলাবন্ধা), ঋষিকেশ বিশ্বাস ( নলতলি ধনেখুৱা) আৰু আমিৰুদ্দিন( নগাওঁ মাহগুৰি)ৰ বুলি চুলুং আৰক্ষীয়ে জানিব দিয়ে।
উল্লেখযোগ্য যে তেজপুৰ বিশ্বনাথ চাৰিআলি দিশৰ পৰা গুৱাহাটী অভিমুখে আহি থকা এ এছ ০১ ই চি ৯১৬৬ নম্বৰৰ ট্ৰেভেলাৰ খনে ৰৈ থকা এখন বলেৰ পিক আপ ভানক বচাবলৈ চেষ্টা কৰোতে বিপৰীত দিশৰ পৰা আহি থকা এ এছ ০২ এ চি ৬৪১৫ নম্বৰৰ সামগ্ৰী কঢ়িওৱা মেজিক বাহন এখনৰ লগত প্ৰচণ্ড জোৰত মুখামুখি সংঘৰ্ষ হোৱাৰ ফলতে এই শোকাৱহ দুৰ্ঘটনাটো সংঘটিত হয় বুলি স্থানীয় লোকে জনায়।
You may also like
ছেক্সত মজা নোপোৱা হৈছে ভাৰতীয়ই! সমাধান লৈ হাজিৰ Durex
লণ্ডনমূলীয় বহুজাতিক কোম্পানি দিয়ৰেক্সে কৈছে তেওঁলোকৰ সমীক্ষামতে ভাৰতীয় মানুহে বোলে ছেক্সত আনন্দ নোপোৱা হৈছে। দিয়ৰেক্সৰমতে, ৭৪% ভাৰতীয়ই বোলে বিচনাত কিবা এক নতুন…
বাঘজান ট্ৰাজিডিৰ তদন্তৰ নিৰ্দেশ মুখ্য মন্ত্ৰী সোণোৱালৰ
অসমৰ মুখ্য মন্ত্ৰী সৰ্বানন্দ সোণোৱালে তিনিচুকীয়াৰ বাঘজানত অইল ইণ্ডিয়া লিমিটেডৰ গেছখাদত সংঘটিত অগ্নিকাণ্ডৰ ঘটনাৰ এক উচ্চস্তৰীয় তদন্তৰ বাবে বৃহস্পতিবাৰে নিৰ্দেশ দিছে। মুখ্য…
৭ আগষ্টৰ পৰা বৰ্ষজোৰা কাৰ্যসূচীৰে নগাঁও মহাবিদ্যালয়ৰ মহাৰজত জয়ন্তী
অসমৰ উচ্চশিক্ষাৰ অন্যতম কেন্দ্ৰ নগাঁও মহাবিদ্যালয়ে ৭৫ বছৰত পদাৰ্পণ কৰিবলৈ আগবাঢ়িছে। সেই উপলক্ষে মহাৰজত জয়ন্তী বৰ্ষজোৰা কাৰ্যসূচীৰে বিস্তৃতভাবে উদযাপনৰ প্ৰস্তুতি চলোৱা হৈছে। মহাৰজত…
গণতান্ত্ৰিক আন্দোলনক দমনৰ চেষ্টা কিয়? আছুৰ সৈতে বিজেপিৰ সংঘাতৰ পৰিণাম কি হ’ব পাৰে?
অসমত নানা বিতৰ্কৰ মাজতো জাতীয়তাবাদী ধাৰাক প্ৰতিনিধিত্ব কৰি অসমীয়া জাতীয় সত্ত্বাক ধৰি ৰখাৰ চেষ্টাত ব্ৰতী হৈ থকা সদৌ অসম ছাত্ৰ সন্থা চমুকৈ…