মানুহৰ নিৰ্মমতাৰ বলি হৈ মাজুলীত মৃত্যু শতাধিক পৰিভ্ৰমী পক্ষীৰ
পৰিভ্ৰমী পক্ষীৰ অন্যতম আশ্ৰয় স্থল মাজুলী এতিয়া বিপদজনক হৈ পৰিছে পক্ষীকূলৰ বাবে। মাজুলীবাসীৰ মৰম তথা আশ্রয়ত নিৰাপদ অনুভৱ কৰি প্ৰতি বছৰে আগমন ঘটা শতাধিক পক্ষী এতিয়া মানুহৰ নিষ্ঠুৰতাৰ বলি হৈ কৰুণ মৃত্যুক সাৱটি ল’ব লগীয়া হৈছে।
একাংশ দুষ্ট লোকে এই পৰিভ্ৰমী পক্ষীবোৰক বিষাক্ত দৰৱ খুৱাই নিধন কৰা বুলি জানিব পৰা গৈছে। মাজুলীৰ কমাৰ গাঁৱৰ পথাৰত সংঘটিত হৈছে এনেধৰণৰ দুষ্কাৰ্য। কোনো অচিনাক্ত দুৰ্বৃত্তই খোৱা খাদ্যৰ লগত ফুৰাদন নামৰ এবিধ বিষাক্ত ঔষধ মিহলাই অঞ্চলটোৰ জলাশয় তথা পথাৰসমূহত বিচৰণ কৰি থকা আলহী পক্ষীসমূহ নিধন কৰে।
উল্লেখ্য যে এই সময় চোৱাত মাজুলীলৈ চাইবেৰিয়া, কানাডা, চীন, জাপান আদি বিশ্বৰ বিভিন্ন প্ৰান্তৰ পৰা বিভিন্ন প্ৰজাতিৰ পৰিভ্ৰমী পক্ষীৰ আগমন ঘটে। কিন্তু পৰিভ্ৰমী পক্ষীসমূহৰ মৃত্যুই এতিয়া উদ্বিগ্ন কৰি তুলিছে প্ৰকৃতিপ্ৰেমী তথা সচেতন মহলক।
পক্ষীকূলৰ ওপৰত দুৰ্বৃত্তৰ এনে অমানৱীয় কাণ্ডত মাজুলীবাসী মৰ্মাহত হোৱাৰ লগতে বন বিভাগক এই সমগ্ৰ ঘটনাৰ তদন্ত কৰি দোষীক উচিত শাস্তি প্ৰদান কৰিবলৈ আহ্বান জনাইছে।
You may also like
কোন হ’ব তিৱা স্বায়ত্ত শাসিত পৰিষদৰ পৰৱৰ্তী মুখ্য কাৰ্যবাহী সদস্য?: দৌৰত তিনি প্ৰাক্তন ইএম আৰু বিধায়কৰ পুত্ৰ
কোন হ’ব তিৱা স্বায়ত্ত শাসিত পৰিষদৰ পৰৱৰ্তী মুখ্য কাৰ্যবাহী সদস্য? দৌৰত প্ৰতিষ্ঠাপক মুখ্য কাৰ্যবাহী সদস্য তুলসী বৰদলৈ, প্ৰাক্তন মুখ্য কাৰ্যবাহী সদস্য পৱন…
অগপৰ কোন মন্ত্ৰী, বিষয়ববীয়াই জনস্বাৰ্থবিৰোধী কাম কৰিছে তাৰ বিচাৰ ৰাইজে কৰিব: মহন্ত
“অগপৰ কোন মন্ত্ৰী বা বিষয়ববীয়াই জনস্বাৰ্থবিৰোধী কিবা কাম কৰিছে তাৰ বিচাৰ ৰাইজে কৰিব। গণতন্ত্ৰত ৰাইজেই ৰজা”। আজি শিৱসাগৰৰ আৱৰ্ত ভৱনত আয়োজিত এক…
Operation against drugs মহানগৰীৰ দাঁতিকাষৰীয়া বৰ্ণিহাটত আৰক্ষীয়ে জব্দ কৰিলে ৪ কোটি টকা মূল্যৰ হেৰ’ইন, তিনিজনক আটক
Operation against drugs গুৱাহাটী মহানগৰীৰ দাঁতিকাষৰীয়া বৰ্ণিহাটত আজি মহানগৰ আৰক্ষীৰ লগতে কামৰূপ আৰক্ষীয়ে চলাইছিল ড্ৰাগছ বিৰোধী অভিযান। এই অভিযানতে এখন ট্ৰাকৰ পৰা…
ৰাজ্যত পুনৰ ১৩ গৰাকী লোকৰ ক’ৰ’নাৰ সংক্ৰমণৰ ফলত মৃত্যু; মুঠ মৃতকৰ সংখ্যা ৬৩৮ গৰাকীলৈ বৃদ্ধি
সমগ্ৰ অসমত ক’ৰ’না ভাইৰাছৰ ভয়াবহ সংক্ৰমণ অব্যাহত আছে। ৰাজ্য চৰকাৰৰ হাতৰ পৰা ক্ৰমাৎ অসমৰ ক’ৰ’নাৰ পৰিস্থিতি নিয়ন্ত্ৰণৰ বাহিৰলৈ গতি কৰিছে। আজিও অসমত…