নাগা শান্তি আলোচনাক লৈ আশাবাদী ভাৰতীয় সেনা

নাগা বিদ্ৰোহী গোটসমূহৰ সৈতে চলিত ৰাজনৈতিক আলোচনাৰ ফলাফলক লৈ আশাবাদী হোৱাৰ লগতে চীন সীমান্তৰ পৰিস্থিতি উন্নত হোৱা বুলি ভাবে ভাৰতীয় সেনাই।

“বিদ্ৰোহ-প্ৰতিৰোধী পৰিস্থিতি বৰ্তমান নিয়ন্ত্ৰণাধীন আৰু আমি আত্মবিশ্বাসী যে এতিয়াৰ পৰা পৰিস্থিতি অধিক উন্নত হ’ব। নাগালেণ্ডৰ এন এচ চি এন (আই এম) আৰু নাগা জাতীয় ৰাজনৈতিক গোটসমূহ (NNPGs)ৰ সৈতে আলোচনা আগবঢ়া অৱস্থাত আছে,” ইষ্টাৰ্ন কমাণ্ডৰ জি অ’ চি-ইন-চি লেফতে’নেন্ত জেনেৰেল এম এম নাৱাৰনে কয়।

লেঃ জেঃ নাৱাৰনে কয় যে এন এচ চি এন (কে)ৰ খাংগ’ কন্যাক নেতৃত্বাধীন গোটটোৱে শেহতীয়াকৈ এন এন পি জিৰ কাৰ্য্যকৰী সমিতিত যোগ দি শান্তি প্ৰক্ৰিয়াৰ অংশ হৈছে।

সেনা কমাণ্ডাৰজনে যোৱা ৰাতি ফ’ৰ্ট উইলিয়ামত সাহসিকতাৰ মেদেল বিতৰণ কৰিছিল।

তেওঁ কয় যে ভাৰত-ম্যানমাৰ সীমান্তত শক্তিশালী পহৰা দি অহা হৈছে আৰু বিভিন্ন বিদ্ৰোহী গোটৰ আহ-যাহ নিৰৱচ্ছিন্ন নিৰীক্ষণৰ মাজত আছে।

“সীমা সুৰক্ষা বাহিনী শক্তিশালী কৰাৰ কামো চলি আছে,” তেওঁ কয়।

লেঃ জেঃ নাৱাৰনে কয় যে অসমত আলফা (স্বাঃ)ৰ উত্থানৰ খবৰসমূহ খুব সাৱধানতাৰে নিৰীক্ষণ কৰি থকা হৈছে আৰু উচিত প্ৰতিৰোধী ব্যৱস্থা গ্ৰহণ কৰা হৈছে।

নিজৰ অভিযান সঠিক কৰিবৰ বাবে সেনাই সদায় পৰিস্থিতিৰ পৰ্য্যালোচনা কৰি আহিছে, তেওঁ কয়।

নাৱাৰনে কয় যে ভাৰত আৰু চীনৰ মাজত সেনা পৰ্য্যায়ৰ কথা-বতৰা সকলো পৰ্য্যায়তে উন্নত হৈছে। “ই গ্ৰাউণ্ড ত্ৰুপ আৰু ফাংচনেল লেৱেলৰ কমাণ্ডাৰসকলৰ মাজত ৰণকৌশলগত সহমত কাৰ্য্যকৰী কৰাত অৰিহণা আগবঢ়াইছে।”

“চীনাসকলে এতিয়া তেওঁলোকৰ এলেকাৰ ভিতৰৰ ডেজিগনে’টেদ বে’ছ/ শিবিৰসমূহত আমাক খেলা-ধূলাৰ অনুষ্ঠানত ভাগ ল’বলৈ মাতিছে আৰু আমি কথাটো বিবেচনা কৰিছো,” জেনেৰেলগৰাকীয়ে কয়।