ঢোলে-দগৰে গৈ অসমৰ প্ৰথমখন মনোনয়ন পত্ৰ দাখিল লখিমপুৰৰ কংগ্ৰেছ প্ৰাৰ্থী অনিল বৰগোহাঁইৰ

কেইবাহাজাৰ সমৰ্থকেৰে পৰিৱেস্তিত হৈ বুধবাৰে আসন্ন লোকসভা নিৰ্বাচনত অসমৰ প্ৰথমখন মনোনয়ন পত্ৰ দাখিল কৰে লখিমপুৰ সমষ্টিৰ কংগ্ৰেছ প্ৰাৰ্থী অনিল বৰগোহাঁয়ে।

জিলা উপায়ুক্ত তথা ৰিতাৰ্নিং বিষয়া জীৱন বি-ৰ হাতত মনোনয়ন পত্ৰ দাখিলৰ সময়ত কংগ্ৰেছ নেতাজনক সংগ দিয়ে সমষ্টিটোৰ কেইবাজনো কংগ্ৰেছ নেতাই।

উপস্থিত থাকে অসমৰ প্ৰাক্তন মন্ত্ৰী ৰাজীৱ লোচন পেগু, চাবুৱা আৰু ডুমডুমা সমষ্টিৰ প্ৰাক্তন বিধায়ক ক্ৰমে ৰাজু চাহু আৰু দুৰ্গা ভূমিজৰ লগতে লখিমপুৰ জিলা কংগ্ৰেছ সভাপতি জয় প্ৰকাশ দাস।

যোৱা ১৮ মাৰ্চত অনিল বৰগোহাঁইৰ প্ৰাৰ্থিত্ব ঘোষণা কৰিছিল কংগ্ৰেছে।

৫২ বছৰীয়া বৰগোহাঁই পেছাত ব্যৱসায়ী আৰু দীৰ্ঘদিনধৰি তেওঁ কংগ্ৰেছ দলৰ লগত জৰিত।

ব্ৰহ্মপুত্ৰৰ উত্তৰ পাৰৰ লখিমপুৰ, নাওবৈচা, ঢকুৱাখনা, ধেমাজি আৰু জোনাই আৰু দক্ষিণ পাৰৰ মাজুলী, শদিয়া, চাবুৱা আৰু ডুমডুমা বিধানসভা লখিমপুৰ লোকসভা সমষ্টিৰ অন্তৰ্গত।

সাধাৰণ নিৰ্বাচনৰ প্ৰথম পৰ্য্যায়ত অহা ১১ এপ্ৰিলত ভোটগ্ৰহণ হ’ব লগা সমষ্টিটোৰ মনোনয়ন দাখিলৰ অন্তিম দিন ২৫ মাৰ্চ।