সংকট : ম্যানমাৰ এৰি অসমত প্ৰৱেশ কৰিবলৈ সাজু ২৮ জন এনডিএফবি(স) সদস্য!

অলপতে ম্যানমাৰ সেনাই চলোৱা ব্যাপক অভিযানত উত্তৰ-পূবৰ উগ্ৰপন্থী গোটৰ বহুকেইটা শিৱিৰ ধ্বংস কৰাৰ লগতে সামৰিক বাহিনীয়ে কব্জা কৰে।

ইয়াৰ ফলস্বৰূপে উত্তৰ-পূবৰ বিদ্ৰোহীৰ ওপৰত সৃষ্টি হোৱা গভীৰ চাপৰ বাবে বি চাওৰাইগৌৰাৰ নেতৃত্বত থকা আলোচনা বিৰোধী এনডিএফবি (স)ৰ প্ৰায় ২৮ জন দুৰ্ধৰ্ষ সদস্যই অসমত প্ৰৱেশৰ কৰাৰ বাবে ম্যানমাৰ ত্যাগ কৰা বুলি এক সূত্ৰই জানিবলৈ দিছে।

সূত্ৰসমূহে জানিবলৈ দিয়া মতে ত্ৰিপুৰা আৰু মণিপুৰৰ বিদ্ৰোহী গোটৰ উপৰি এনএছচিএন (কে), আলফা(স্বা:), এনডিএফবি(স), কেএলঅ’ৰ দৰে বিদ্ৰোহী সংগঠনৰ বহ শিৱিৰ ম্যানমাৰ সেনাই ধ্বংস কৰিছিল।

সূত্ৰসমূহে লগতে দাবী কৰে যে সেনাই তেওঁলোকৰ জিম্মাত থকা এক বৃহৎ পৰিমানৰ অস্ত্ৰ শস্ত্ৰও জব্দ কৰিছিল।

প্ৰায় ১৮ৰ পৰা ২২জন উত্তৰ-পূবৰ বিদ্ৰোহী সদস্য ম্যানমাৰ সুৰক্ষা বাহিনীয়ে হত্যা কৰাৰ লগতে এনএছচিএন (কে), আলফা(স্বা:), এনডিএফবি(স) আৰু আন বিদ্ৰোহী গোটৰ বহু বিদ্ৰোহী ম্যানমাৰ সেনাৰ হাতত বন্দী হোৱা বুলিও সূত্ৰসমূহে দাবী কৰে।

ম্যানমাৰৰ ভূমিৰ পৰা পলাই অহা ওদালগুৰি জিলাৰ স্বোৰাঙজুলি মাজবাটৰ কাপুৰপুৰা গাঁৱৰ এজন বাসিন্দা আৰু এনডিএফবি(স)ৰ বৈদেশিক সচিব এভানজেল নাৰ্জাৰী ওৰফে এন ই এছেৰাই দেওবাৰে তেওঁৰ সুৰক্ষা গাৰ্ডজনৰ সৈতে সুৰক্ষা বাহিনীৰ সন্মুখত আত্মসমৰ্পন কৰে।

ৰাজনৈতিক বিজ্ঞানৰ স্নাতকোত্তৰ ডিগ্ৰীধাৰী তথা চাৰ্টিফাইড ইণ্ডাষ্ট্ৰিয়েল একাউন্টেন্টছ (চিআইএ) এন ই এছেৰা এনডিএফবি(স)ত যোগদান কৰাৰ পূৰ্বে ওদালগুৰিৰ ডায়েমণ্ড ইংলিছ মিডিয়াম স্কুলৰ প্ৰাক্তন অধ্যক্ষ আছিল। তেওঁ ৩০১৩ চনৰ ৬ ছেপ্টেম্বৰত এনডিএফবি(স)ত যোগদান কৰিছিল আৰু ম্যানমাৰত প্ৰশিক্ষণ লৈছিল।

আনহাতে, ২০১৪-২০১৫ত তেওঁক সংগঠনটোৰ প্ৰচাৰ সচিব নিযুক্ত কৰা হয় আৰু পাছত ২০১৫ৰ ১৫ এপ্ৰিলত বৈদেশিক সচিবৰ দায়িত্ব অৰ্পণ কৰা হয়।

এছেৰা লগতে য়ুনাইটেড নেশ্যনেল লিবাৰেশ্যন ফ্ৰন্ট অৱ ৱেষ্টাৰ্ণ ছাউথ ইষ্ট এছিয়া (য়ুএনএলএফডব্লিউ)ৰ খচৰা কমিটিৰ এগৰাকী সদস্য আছিল।

সূত্ৰসমূহে কয় যে তেওঁ ভাৰত-ম্যানমাৰ সীমান্তৰ মন জিলাৰ ৩৫নং আছাম ৰাইফলছৰ সন্মুখত আত্মসমৰ্পন কৰিছিল।

জানিব পৰা মতে, আত্মসমৰ্পনৰ সময়ত তেওঁ গুলীৰে সৈতে এটা এ কে ৪৭ ৰাইফল জমা দিয়ে।