পুৰণিগুদামত পথ দুৰ্ঘটনা; গুৰুতৰভাবে আহত এহাল যুৱক-যুৱতী

নগাঁৱৰ পুৰণিগুদাম আৰক্ষী চকীৰ অঅন্তৰ্গত কাষৰিগাঁৱত মঙলবাৰে বিয়লি এত ভয়াবহ পথ দুৰ্ঘটনা সংঘটিত হয়। হোজাই জিলাৰ লংকাৰ পৰা শিৱসাগৰ অভিমুখী এ এছ-০২ বি চি-৯০৯২  নম্বৰৰ এখন দ্ৰুতবেগী গুৰ ভৰ্তি বলেৰ’ পিক আপ বাহনে নিয়ন্ত্ৰণ হেৰুৱাই দুজনকৈ পথচাৰীক মহতিয়াই লৈ যোৱাৰ ফলতে পথ দুৰ্ঘটনাটো সংঘটিত হয়।

দুৰ্ঘটনাটোৰ ফলত গুৰুতৰভাবে আহত হয় এগৰাকী যুৱতী আৰু এজন যুৱক। পথ দুৰ্ঘটনাত আহত হোৱা যুৱক-যুৱতী হাল ৰাজপথ পাৰ হবলৈ চেষ্টা কৰাৰ সময়ত দুৰ্ঘটনাটো সংঘটিত হয় বুলি স্থানীয় একাংশ লোকে প্ৰকাশ কৰে।

আনহাতে, দুৰ্ঘটনাৰ খবৰ লাভ কৰি পুৰণিগুদাম আৰক্ষী ঘটনাস্থলীত উপস্থিত হৈ গুৰুতৰভাবে আহত দুয়োগৰাকী লোকক ১০৮ এম্বুলেঞ্চ  যোগে ততাতৈয়াকৈ উন্নত চিকিৎসাৰ বাবে নগাঁও অসামৰিক চিকিৎসালয়লৈ প্ৰেৰণ কৰে।

উল্লেখযোগ্য যে, আহত যুৱক-যুৱতী হালৰ পৰিচয় বৰ্তমানলৈ জানিব পৰা হোৱা নাই। দুৰ্ঘটনাটো সংঘটিত কৰি ৰাজপথৰ দাঁতিত বাগৰি পৰা ব’লেৰো পিক আপ ভ্যান খনৰ চালকজনে পলায়ন কৰে। পিক আপ ভ্যানখনত থকা আন দুজন আৰোহীও দুৰ্ঘটনাটোৰ ফলত আহত হয়।