অসমৰ ৰূপচন্দালৈ অভিনয়ৰ ৰাষ্ট্ৰীয় জলপানি

অসমৰ যুৱতী ৰূপচন্দা শৰ্মাই অভিনয়ৰ এক ৰাষ্ট্ৰীয় জলপানি পাবলৈ সক্ষম হৈছে।

কটন বিশ্ববিদ্যালয়ত পঢ়ি থকা অভিনেত্ৰী শৰ্মা দেশৰ এগৰাকী “যুৱ প্ৰতিভা”ৰূপে চিহ্নিত হৈছে।

আৰু সেয়ে ভাৰত চৰকাৰৰ সাংস্কৃতিক পৰিক্ৰমা মন্ত্ৰ্যালয়ৰ অধীনত সাংস্কৃতিক গৱেষণা আৰু প্ৰশিক্ষণ কেন্দ্ৰ, নতুন দিল্লীয়ে আগবঢ়োৱা অভিনয়ৰ জলপানিটোৰ বাবে তেওঁক বাচনি কৰা হৈছে।

দেশৰ যুৱ প্ৰতিভাসকলক উৎসাহিত কৰাৰ বাবে জলপানিটো আগবঢ়োৱা হয়। জলপানিটো অসমৰ প্ৰতিনিধি হিচাপে ২০১৯-২০বৰ্ষৰ বাবে ৰূপচন্দাই লাভ কৰিছে।

গুৱাহাটী নিবাসী শৰ্মাৰ পিতৃ-মাতৃ ক্ৰমে দীপক আৰু গুণদা শৰ্মা।

নাট্যশিল্পী মাণিক ৰয়ৰ তত্বাৱধানত অভিনয়ৰ শিক্ষা আৰম্ভ কৰাৰ শৰ্মাই বৰ্তমান অঞ্জনাময়ী শইকীয়াৰ তত্ত্বাৱধানত অভিনয় শিক্ষা গ্ৰহণ কৰি আছে।

ৰাজ্যিক তথা ৰাষ্ট্ৰীয় পৰ্য্যায়ত বিভিন্ন অনুষ্ঠানত অভিনয় পৰিৱেশন কৰা শৰ্মা এগৰাকী নৃত্যশিল্পীও।