সংকটজনক অৱস্থাত আনোৱাৰ হুছেইন লস্কৰক দিল্লীলৈ স্থানান্তৰ
সংকটজনক অৱস্থাত দিচপুৰৰ জি এন আৰ চি চিকিৎসালয়ত চিকিৎসাধীন হৈ থকা হাইলাকান্দিৰ বিধায়ক আনোৱাৰ হুছেইন লস্কৰক আজি উন্নত চিকিৎসাৰ বাবে দিল্লীলৈ স্থানান্তৰ কৰা হৈছে।
জি এন আৰ চি চিকিৎসালয় কৰ্তৃপক্ষই ইংগিত দিয়াৰ পিছতে তেওঁক চিকিৎসালয়খনৰ পৰা প্ৰথমে এয়াৰ এম্বুলেন্সেৰে বৰঝাৰ বিমান বন্দৰলৈ আৰু তাৰ পিছত বিশেষ বিমানযোগে দিল্লীলৈ নিয়া হয়।
উল্লেখযোগ্য, ৩০ মে’ৰ নিশা দিচপুৰৰ বিধায়ক আৱাসতে মগজুৰ পক্ষাঘাতত (brain stroke) আক্ৰান্ত হোৱাৰ পিছৰ পৰা জি এন আৰ চি চিকিৎসালয়ৰ চিকিৎসাধীন হৈ আছিল এ আই য়ু ডি এফৰ বিধায়কজন।
তেওঁৰ স্বাস্থ্যৰ কোনো উন্নতি নোহোৱাত আজি দলটোৰ মুৰব্বী, সাংসদ বদৰুদ্দিন আজমলৰ তৎপৰতাত দিল্লীলৈ নিয়া হয়। লস্কৰক বৰ্তমান দিল্লীৰ গুৰগাঁৱৰ বেদান্ত মেডিচিটি হস্পিটেলৰ আই চি য়ুত চিকিৎসাধীন হৈ আছে। স্বাস্থ্যৰ অতি শেহতীয়া অৱস্থা সম্পৰ্কে চিকিৎসকে এতিয়াও একো জনোৱা নাই বুলি দলৰ সূত্ৰই নৰ্থ-ইষ্ট নাওক জনায়।
“বৰ্তমানো চিকিৎসা চলি আছে যদিও চিকিৎসকে তেওঁৰ স্বাস্থ্যৰ অৱস্থা সন্দৰ্ভত একো জনোৱা নাই”, জনালে এ আই য়ু ডি এফৰ সাধাৰণ সম্পাদক আমিনুল ইছলামে।
You may also like
ভাৰতৰ পাঁচ ঠাইত অক্সফোৰ্ডৰ ভেকচিন কোভিডশ্বীল্ডৰ ট্ৰায়েল কৰাৰ সিদ্ধান্ত কেন্দ্ৰৰ
কিছুদিন পূৰ্বে ভাৰতত অক্সফোৰ্ডৰ কোভিড১৯ ভেকচিন মানৱ শৰীৰত পৰীক্ষণ কৰা হ’ব বুলি বিশ্বৰ বৃহত্তম ভেকচিন প্ৰস্তুতকাৰী ভাৰতীয় প্ৰতিষ্ঠান চেৰাম ইনষ্টিটিউট অৱ ইণ্ডিয়াই-এ…
সাজু হওক, আগত লানি নিছিগা বেংক ধৰ্মঘট
অত্যাৱশ্যকীয় বেংক সেৱাৰ ক্ষেত্ৰত বিপদত নপৰাৰ বাবে আগতীয়াকৈ সাজু হওক। চাৰিটাকৈ বেংক বিষয়া ইউনিয়নে কেন্দ্ৰৰ শেহতীয়া সিদ্ধান্তৰ প্ৰতিবাদত অহা ২৬ আৰু ২৭…
এইবাৰ ৰামায়ণৰ ‘দশৰথ’ৰ চৰিত্ৰত অভিনয় কৰিব অমিতাভ বচ্চনে!
নীতেশ তিৱাৰীৰ ‘ৰামায়ণ’ ছবিত এইবাৰ নতুন সংযোজন। নতুন খবৰ অনুসৰি চিনেমাখনত অমিতাভ বচ্চনক ‘দশৰথ’ৰ চৰিত্ৰত দেখা যাব। ছবিখনত ৰামৰ চৰিত্ৰত ৰণবীৰ কাপুৰ…
মেজিৰ জুইক সাক্ষী কৰি নাগৰিকত্ব বিধেয়ক আনিব খোজাসকলৰ নাম নুমাবলৈ অভিশাপ
ৰাজ্যৰ চৌদিশে নাগৰিকত্ব সংশোধনী বিধেয়ক বাতিলৰ দাবীত উত্তাল প্ৰতিবাদ চলি থকাৰ মাজতে আজি শিৱসাগৰবাসীয়েও মেজিৰ আনন্দৰ লগতে নাগৰিকত্ব বিধেয়কৰ বিৰুদ্ধে প্ৰতিবাদ সাব্যস্ত…