শিৱসাগৰত মহিলাই কৰিলে “দক্ষ যজ্ঞ, সতীৰ দেহত্যাগ” ভাওনা

শিৱসাগৰৰ গৌৰৱ নগৰৰ যদুমণি শিল্পী সমাজৰ দ্বাৰা শনিবাৰে নগৰৰ নাট্যমন্দিৰত মহিলা শিল্পীৰ দ্বাৰা ভাওনা প্ৰদৰ্শন কৰা হয়।

মহিলাসকলে প্ৰদৰ্শন কৰা ভাওনা খনৰ নাম হ’ল “দক্ষ যজ্ঞ, সতীৰ দেহত্যাগ”। প্ৰায় ২৬গৰাকী মহিলাই বিভিন্ন ভাওত অভিনয় কৰি উপস্থিত দৰ্শকসকলক মুগ্ধ কৰে।

গুৰুজনাৰ অপূৰ্ব সৃষ্টি ভাওনাত তাহানিতে কেৱল পুৰুষেহে ভাও লৈছিল। আনকি ভাওনাৰ নাৰীৰ চৰিত্ৰসমূহো ৰূপায়ণ কৰিছিল পুৰুষে। এতিয়া সময়ৰ পৰিৱৰ্তন হৈছে। পুৰুষৰ সমানে ফেৰ মাৰি এতিয়া মহিলায়ো প্ৰদৰ্শন কৰিছে ভাওনা।

শনিবাৰে যদুমণি শিল্পী সমাজৰ দ্বাৰা প্ৰদৰ্শিত মহিলাই কৰা ভাওনাত প্ৰতিগৰাকী মহিলাৰ সুন্দৰ সবল অভিনয়ে সকলোৰে দৃষ্টি আকৰ্ষণ কৰিবলৈ সক্ষম হয়।

ভাওনাখন উদ্বোধন কৰে মৰাণ ছোৱালী কলেজৰ ৰাজনীতি বিজ্ঞানৰ অধ্যাপক অজয় গগৈয়ে। পৰিচালনা কৰে অম্লানজ্যোতি দাস আৰু প্ৰযোজনা কৰে নিৰ্মলা দাসে।

ভাওনাখনত বিভিন্ন ভাওত অভিনয় কৰে ক্ৰমে সূত্ৰত সুনয়ানা কে হাজৰিকা, নাৰায়ণ কাকতি ডেকা, নাৰদ পাৰ্চী বড়া, ব্ৰহ্মা পঞ্চমিতা দাস, শিৱ দৰ্শনা গগৈ, নন্দী ৰিয়া বৰা, ভৃংগী বাৰ্চিলীনা ৰাজকুমাৰী, ভৃগুমুনি প্ৰিয়ংকা দাস, দক্ষ জ্ঞান শিখা দাস, সেনাপতি অভিস্মাতা শৰ্মা, ইন্দ্ৰ মিতালী নাথ, শনি গীতিমণি দাস, পৱন প্ৰিয়া ৰাউট, বৰুণ নেহা দাস, তাৰকাসুৰ অনিতা দাস ভৰালী, সম্বাৰাসুৰ ৰশ্মি দাস, জংঘাসুৰ মৌচুমী হাতীমূৰীয়াৰ লগতে কল্পনা মেদক, জিতুমণি হাজৰিকা, অঞ্জলি দাস, ইণ্ডিয়া পেগু, অঞ্জলি গগৈ, নিৰ্মলা দাস, আস্থা দাস, সৃষ্টিস্নেহা হাজৰিকা আৰু মণিষা দত্তই।