অসম ৰাইফলছৰ অভিযানত আটক দুৰ্ধৰ্ষ আলফা স্বাধীনৰ দুগৰাকী কেডাৰ
খহনীয়া অব্যাহত আছে আলফা স্বাধীনৰ শিবিৰত। অৰুণাচল প্ৰদেশৰ টিৰাপৰ খুনচাত থকা অসম ৰাইফলছৰ অভিযানকাৰী বাহিনীয়ে বুধবাৰে অভিযান চলাই আলফা স্বাধীনৰ দুজন দুৰ্ধৰ্ষ সদস্যক আটক কৰে।
অসম ৰাইফলছৰ হাতত আটক হোৱা আলফা স্বাধীনৰ সদস্য দুজন শোণিতপুৰ জিলাৰ তেজপুৰৰ বেচেৰীয়াৰ নয়নজ্যোতি নাথ আৰু ডিব্ৰুগড় জিলাৰ চাবুৱাৰ মনচুৰ আলী বুলি পৰিচয় লাভ কৰা গৈছে।
আনহাতে, আটকাধীন আলফা সদস্য দুজনক বৰ্তমান খুনচাৰ সেনা শিবিৰত অধিক তথ্যৰ বাবে সোধা-পোচা অব্যাহত ৰাখিছে অসম ৰাইফলছৰ জোৱানে।
উল্লেখযোগ্য যে, ইয়াৰ পূৰ্বে ম্যানমাৰৰ শিবিৰৰ পৰা পলাই অহা বহুকেইগৰাকী আলফা স্বাধীনৰ সদস্যই সেনা আৰু আৰক্ষীৰ ওচৰত অস্ত্ৰ-শস্ত্ৰ সহ আত্মসমৰ্পন কৰিছে বিগত সময়ছোৱাত।
তাৰোপৰি, উজনি অসমৰ বিশেষকৈ চৰাইদেউ আৰু তিনিচুকীয়া জিলাত আৰক্ষী আৰু সেনাৰ যুতীয়া অভিযানত বহু কেইগৰাকী আলফা স্বাধীনৰ লিংক মেন আটক হৈছে।
You may also like
শান্তিৰ অসমত অশান্তি বিয়পোৱা বিজেপিৰ ‘শান্তি সমদল’ৰ বিৰুদ্ধে আছুৰ ‘বজ্ৰনিনাদ’
শান্তিৰ অসমত জাতিধ্বংসী নাগৰিকত্ব আইনেৰে অশান্তি বিয়পোৱা বিজেপিয়ে আজি নলবাৰীত উলিয়াব শান্তি সমদল। আইনখনক লৈ ৰাজ্যৰ সৰ্বত্ৰে তীব্ৰ প্ৰতিবাদ হৈ থকাৰ সময়তে…
দিল্লীস্থিত ইজৰাইলৰ দূতাবাসৰ সমীপত ভয়ংকৰ বোমা বিস্ফোৰণ
মঙলবাৰে ৰাজধানী নতুন দিল্লীস্থিত ইজৰাইলৰ দূতাবাসৰ সমীপত বোমা বিস্ফোৰণ সংঘটিত হৈছে। দিল্লী আৰক্ষীয়ে জানিবলৈ দিয়া মতে, চাণক্যপুৰী অঞ্চলত ইজৰাইলৰ দূতাবাসৰ সমীপত বোমা…
হোলীৰ ৰঙেই কাল হ’ল; শিঙিমাৰীত শোকাৱহ পথ দুৰ্ঘটনাত এজন নিহত
হোলীৰ আনন্দ উল্লাসৰ মাজতে আজি সংঘটিত এক শোকাৱহ পথ দুৰ্ঘটনাত এজন লোকে প্ৰাণ হেৰুৱাৰ ঘটনাই আনন্দৰ পৰিবেশৰ মাজতে কামৰূপ গ্ৰাম্য জিলাৰ শিঙিমাৰীত শোকৰ…
ল’কডাউনৰ বাবে বজাৰৰ অভাৱত গছতে পচিছে চামগুৰিৰ ব্ৰহ্মচাৰি সত্ৰৰ নেমু খেতি
ক’ৰ’না ভাইৰাছৰ সংক্ৰমণৰ প্ৰতি লক্ষ্য ৰাখি সমগ্ৰ দেশত অব্যাহত থকা ল’কডাউনৰ বাবে সাপ্তাহিক তথা দৈনিক বজাৰ সমূহ বন্ধ হৈ পৰাত ৰাজ্যৰ খেতিয়কসকল…