কোকৰাঝাৰত প্ৰতিবন্ধী যুৱতীক ধৰ্ষণ, অভিযুক্তক কৰায়ত্ত

এগৰাকী প্ৰতিবন্ধী যুৱতীক ধৰ্ষণৰ অভিযোগত পৰীন ৰায় নামৰ এজন লোকক মঙলবাৰে কোকৰাঝাৰ জিলাৰ বামুণীগাঁৱৰ ৰাইজে আৰক্ষীৰ হাতত গতাই দিছে।

স্থানীয় লোকৰ মতে, পৰিয়ালৰ আন সদস্যসকল খেতিপথাৰত ব্যস্ত থকাৰ সময়তে ৰায়ে (৪০) প্ৰতিবন্ধী যুৱতীগৰাকীৰ ঘৰত প্ৰৱেশ কৰি বলাৎকাৰ কৰে।

ঘটনাৰ সময়তে যুৱতীগৰাকীৰ পৰিয়ালৰ এজন সদস্যই ঘৰত প্ৰৱেশ কৰাত ধৃত ৰায় হাতে-লোটে ধৰা পৰে।

ৰায়ক কৰায়ত্ত কৰি ততালিকে স্থানীয় চিলাৰায় ভৱনত ৰাজহুৱা বিচাৰ কৰা হয় আৰু লপা-থপা দি স্থানীয় ৰাইজে তেওঁক আৰক্ষীক গতাই দিয়ে।

সম্প্ৰতি ৰায় কোকৰাঝাৰ আৰক্ষীৰ জিন্মাত আছে আৰু আৰক্ষীয়ে প্ৰাথমিক তদন্ত আৰম্ভ কৰিছে।

ঘটনাটোৱে জিলাখনত ব্যাপক চাঞ্চল্যৰ সৃষ্টি কৰিছে।