গুগল দুদলত বিক্ৰম চাৰাভাই
বিজ্ঞানী বিক্ৰম চাৰাভাইৰ জন্ম শতবৰ্ষৰ শ্ৰদ্ধাঞ্জলিৰূপে উচৰ্গিত হৈছে গুগল দুদল।
সোমবাৰৰপৰা গুগল দুদলত দেখা গৈছে ভাৰতৰ মহাকাশ অভিযানৰ পিতৃপুৰুষৰূপে জনাজাত চাৰাভাইৰ ছবি।
দুদলত থকা বিক্ৰম চাৰাভাইৰ ছবি সৃষ্টি কৰিছে মুম্বাইৰ শিল্পী পৱন ৰাজুকাৰে।
চাৰাভায়ে ১৯৬২ চনত ভাৰতীয় মহাকাশ গৱেষণা প্ৰতিষ্ঠান (ISRO) স্থাপন কৰিছিল।
চাৰাভাইৰ জন্ম হৈছিল গুজৰাটৰ আহমেদাবাদত, ১৯১৯ চনৰ ১২ আগষ্টত। কেম্ব্ৰিজ বিশ্ববিদ্যালয়ৰ পৰা ডক্তৰেট লোৱাৰ পূৰ্বে তেওঁ গুজৰাট কলেজত অধ্যয়ন কৰিছিল।
১৯৪৭ চনৰ ১১ নৱেম্বৰত তেওঁ আহমেদাবাদত ফিজিকেল ৰিচাৰ্চ লেবৰে’টৰি প্ৰতিষ্ঠা কৰিছিল।
মহাকাশ গৱেষণাৰ গুৰুত্ব সম্পৰ্কে তেওঁ ভাৰত চৰকাৰক পতিয়ন নিয়াবলৈ সক্ষম হৈছিল।
তেওঁৰ প্ৰচেষ্টাত সমৰ্থন আগবঢ়াইছিল আন এজন প্ৰখ্যাত বিজ্ঞানী, “ভাৰতৰ নিউক্লিয়াৰ বিজ্ঞান কাৰ্য্যসূচীৰ জনক” হোমি জাহাংগিৰ ভাবাই।
চাৰাভাইৰ মৃত্যুৰ পাঁচ বছৰ পিছত ভাৰতে উৎক্ষেপ কৰিছিল দেশৰ প্ৰথমটো কৃত্ৰিম উপগ্ৰ্হ।
১৯৭৫ চনত উৎক্ষেপিত এই উপগ্ৰহ “আৰ্য্যভট্ট” আছিল চাৰাভাইৰ নিৰৱচ্ছিন্ন প্ৰচেষ্টাৰ ফল।
আই আই এম, আহমেদাবাদ প্ৰতিষ্ঠাতো চাৰাভায়ে গুৰুত্বপূৰ্ণ ভূমিকা লৈছিল।
You may also like
বাৰ ডান্সাৰৰ ব্লাউজৰ ভিতৰত টকা ভৰাবলৈ চেষ্টা! বিজেপি শাসিত মধ্যপ্ৰদেশত নিলম্বিত দুই আৰক্ষী বিষয়া
ইণ্টাৰনেটত ভাইৰেল হৈছে এটা ভিডিঅ’, য’ত দুজন আৰক্ষীয়ে বাৰ ডান্সাৰৰ সৈতে নাচি থকা দেখা গৈছে! মধ্যপ্ৰদেশৰ দতিয়াত ভিডিঅ’টোক লৈ বিতৰ্ক তীব্ৰতৰ হৈ…
আমেৰিকাত ৫ দিন ধৰি সন্ধানহীন আই আই টিৰ পৰা উত্তীৰ্ণ ভাৰতীয় ছাত্ৰ
আমেৰিকাত সন্ধানহীন হৈছে এজন ভাৰতীয় ছাত্ৰ। খবৰ অনুসৰি শেহতীয়াকৈ আমেৰিকাৰ বাৰ্কলেৰ পৰা নিৰুদ্দেশ হৈছে ছাকেট শ্ৰীনিবাসিয়া নামৰ এগৰাকী ২২ বছৰীয়া ভাৰতীয় ছাত্ৰ।…
নিবনুৱাৰ বাবে সুখবৰ; অসম আৰক্ষীৰ খালী পদ পূৰণৰ বাবে বিজ্ঞাপন প্ৰকাশ পাইছে
অসম আৰক্ষীৰ জেইল ৱাৰ্ডেনৰ পদ পূৰণৰ বাবে বিজ্ঞাপন প্ৰকাশ পাইছে। আগ্ৰহী প্ৰাৰ্থীসকলে আবেদন কৰিব পাৰিব। পদৰ নাম- জেইল ৱাৰ্ডেন মুঠ পদৰ সংখ্যা-…
গুৱাহাটীত ঐতিহাসিক ৰুদ্ৰাংশু মুখাৰ্জীৰ এটা স্মৰণীয় বক্তৃতা
ঐতিহাসিক ৰুদ্ৰাংশু মুখাৰ্জীয়ে ২৮ চেপ্তেম্বৰৰ দিনা গুৱাহাটীৰ বিবেকানন্দ কেন্দ্ৰত দিয়া ব্ৰজমোহন শৰ্মা স্মাৰক বক্তৃতাটো এটা অসাধাৰণ বক্তৃতা আছিল। বক্তৃতাৰ বিষয় আছিল ‘Arguments…