দলত্যাগী নেতাৰ সমষ্টিত প্ৰচাৰ ৰেলি উলিয়াব কংগ্ৰেছে

‘বিজেপিলৈ কেৱল কংগ্ৰেছী নেতাসকলহে গৈছে তৃণমূল কৰ্মীসকল যোৱা নাই’, তিনিজনকৈ জ্যেষ্ঠ কংগ্ৰেছী নেতাই বিজেপিত যোগদানৰ পাছত বুধবাৰে এইদৰে মন্তব্য কৰিছে ৰিপুণ বৰাই।

বুধবাৰে গুৱাহাটী ৰাজীৱ ভৱনত প্ৰদেশ কংগ্ৰেছৰ সভাপতি ৰিপুণ বৰাই এক সংবাদমেল সম্বোধন কৰে।

য’ত তেওঁ কয়, ‘ভুৱনেশ্বৰ কলিতা, শান্তিয়াজ কুজুৰ আৰু গৌতম ৰয় এওঁলোক অকলেহে কেৱল বিজেপিলৈ গৈছে। তেওঁলোকৰ সমষ্টিৰ তৃণমূল কৰ্মীসকলক বিজেপিলৈ নিব পৰা নাই।’

‘বিজেপিয়ে কৈ থকাৰ দৰে বিয়াগোম নেতাই বিজেপিত যোগদান কৰিছে। কিন্তু প্ৰকৃততে সেই বিয়াগোম নেতাবোৰে এজনো তৃণমূল পৰ্যায়ৰ কৰ্মী বিজেপিলৈ নিব পৰা নাই। তেওঁলোক কেৱল অকলেই বিজেপিত যোগদান কৰিছে’ বুলি মন্তব্য কৰে।

আনহাতে ‘সদ্য কংগ্ৰেছত্যাগী তিনিজন নেতাৰ সমষ্টি ৰঙিয়া, কাটলিচাৰা, হাইলাকান্দি, মাজবাট আৰু তিনিচুকীয়াত গৈ প্ৰচাৰ ৰেলি কৰিব কংগ্ৰেছৰ উচ্চস্তৰীয় দলে’ তেওঁ কয়।

আজিৰ সংবাদমেলতে ‘ছিণ্ডিকেটৰ বাতৰি প্ৰকাশৰ বাবে প্ৰতিদিনক চমন দিয়াক লৈ ক্ষোভ প্ৰকাশ কৰে। লগতে আগশাৰীৰ পেপাৰসমূহে কেববিৰোধী স্হিতি লোৱাৰ  বাবে বিজ্ঞাপন বন্ধ কৰাক লৈ দুখ প্ৰকাশ কৰে।’

এই সন্দৰ্ভত তেওঁ আজি প্ৰেছ ফ্ৰিডম ক’ত থাকিল বুলি প্ৰশ্ন উত্থাপন কৰে।

উল্লেখ্য আজিৰ সংবাদমেলতে প্ৰয়াত ৰাজীৱ গান্ধীৰ ৭৫ তম জন্ম জয়ন্তী উপলক্ষে বিভিন্ন কাৰ্যসূচী ঘোষণা কৰে। কাৰ্যসূচীসমূহৰ ভিতৰত প্ৰধানত– ২৫ আগষ্টৰ পৰা ৩০ আগষ্টলৈ  মহিলা শীৰ্ষক আলোচনা, ২৬ আগষ্টত প্ৰতিখন জিলাত বৃক্ষৰোপন কাৰ্যসূচী, ৩১ আগষ্টত ৰাজ্যিক ভিত্তিত ‘মহিলা সবলীকৰণ ৰাজীৱ গান্ধী ভূমিকা’ শীৰ্ষক আলোচনা চক্ৰ।