অসমত অচল মটৰ বাহন আইন ২০১৯, নিদ্ৰাত চৰকাৰ

অসম চৰকাৰৰ নিৰ্দেশ নোহোৱাৰ বাবে ৰাজ্যত এতিয়াও অচল হৈ আছে মটৰ বাহন আইন ২০১৯।

আইনখন ভাৰত চৰকাৰে যোৱা ১ ছেপ্তেম্বৰত কাৰ্য্যকৰী কৰিলে।

ক্লিক কৰি জানক– কিমান কিমান জৰিমনা নতুন মটৰ বাহন আইন ২০১৯ত?

জৰিমনাৰ ক্ষেত্ৰত কঠোৰ আইনখন প্ৰয়োগেৰে ভাৰতৰ আন ৰাজ্যই প্ৰতিদিনাই বহু লাখ টকাৰ ৰাজহ সংগ্ৰহ কৰিছে।

শুকুৰবাৰে তামিলনাডু চৰকাৰে ৫ মিনিটৰ ভিতৰত যান-বাহন আৰক্ষীৰ পৰা জৰিমনাৰ ৰূপত লাভ কৰিছে ২.০৫ লাখ টকাৰ ৰাজহ।

কিন্তু, অসমত যান-বাহন আৰক্ষীয়ে ৰাজ্য চৰকাৰৰ পৰা লাভ কৰা নাই আইনখন সন্দৰ্ভত কোনো জাননী। ফলত সংগ্ৰহ কৰা নাই নতুন হাৰৰ জৰিমনা।

গুৱাহাটীৰ যান-বাহন শাখাৰ উপ আৰক্ষী আয়ুক্ত প্ৰশান্ত শইকীয়াই নৰ্থইষ্ট নাওত এই জাননীহীনতাৰ কথা নিশ্চিত কৰিছে।

অৱশ্যে, নতুন আইনখন অনুসৰি জৰিমনা বিহা হোৱা নাই যদিও নিয়ম ভংগকাৰী যান-বাহনসমূহৰ গোচৰ নতুন আইন অনুসৰি ন্যায়ালয়লৈ পঠোৱা হৈছে বুলি জানিবলৈ দিয়ে শইকীয়াই।

এই আইনৰ জৰিমনাৰে যোৱা ৫ দিনত উৰিষ্যাত ১ কোটি টকা, হাৰিয়ানাত ৫২ লাখ টকা, পশ্চিমবংগত প্ৰায় ৯৫ লাখ টকাৰ ৰাজহ সংগ্ৰহ কৰিছে যান-বাহন আৰক্ষীয়ে।