মাজুলীত ডেৰ শতাধিক শামুক ভঙা চৰাইৰ অকাল মৃত্যু
সোমবাৰে অহা এজাক প্ৰচণ্ড ধুমুহা আৰু বৰষুণত মাজুলী বনগাঁও বালিকা বিদ্যালয়ৰ সন্মুখৰ গছসমূহত বাস কৰা প্ৰায় ডেৰ শতাধিক শামুক ভঙা চৰাই ( Asian Openbil)ৰ অকাল মৃত্যু হোৱাৰ লগতে বহু সংখ্যক চৰাই আহত হয়।
অঞ্চলটোত দীৰ্ঘদিনৰ পৰা বাস কৰি থকা শামুক ভঙা চৰাই বোৰৰ অকাল মৃত্যুত শোকত ম্ৰিয়মান হৈ পৰিছে বনগাঁও অঞ্চলৰ লোকসকল।
উল্লেখযোগ্য যে, ছেপ্টেম্বৰ, অক্টোবৰ মাহত শামুক ভঙা চৰাই বোৰৰ বংশবৃদ্ধি হোৱাৰ সময়।
খেৰ-কুটা কঢ়িয়াই পোৱালী জগোৱাৰ বাবে নতুনকৈ বাঁহ সাজি থকা অৱস্থাত অহা ধুমুহা-বৰষুণ জাকত চৰাই বোৰৰ বাঁহবোৰো ভাঙি যায়।
হাজাৰ হাজাৰ শামুক ভঙা চৰাই মাজুলীত বছৰ বছৰ ধৰি বাস কৰি মাজুলীক প্ৰাকৃতিক ভাবে সুন্দৰ কৰি ৰখাত অৰিহণা যোগাই অহাৰ লগতে জৈৱ বৈচিত্ৰক চহকী কৰি তুলিছে।
কিন্তু বিগত কিছু বছৰৰ পৰা চলি অহা অবাধ বনাঞ্চল ধ্বংস যজ্ঞৰ বাবে নদী দ্বীপটোত ক্ৰমান্বয়ে ওখ গছৰ সংখ্যা কমি অহিবলৈ লৈছে যাৰ বাবে বাসস্থানৰ অভাৱত এজোপা গছতে হাজাৰ হাজাৰ চৰায়ে বাস কৰিবলগীয়া হৈছে।
স্থানীয় ৰাইজে অঞ্চলটোত বৃক্ষৰোপন কৰি ভবিষ্যতে চৰাইৰ বাসস্থান বৃদ্ধি কৰাৰ বাবে সকলোকে আগবাঢ়ি আহিবলৈ আহ্বান জনাইছে।
You may also like
৭০ ঘন্টাৰ পাৰ হৈ গ’ল, এতিয়াও সুৰংগত আৱদ্ধ ৪০ জন শ্ৰমিক, উদ্ধাৰ অভিযানত নামিছে বায়ুসেনা
৭০ ঘন্টা পাৰ হৈ গ’ল। উত্তৰাখণ্ডৰ উত্তৰকাশীত নিৰ্মাণৰত সুৰংগত আবদ্ধ হৈ থকা ৪০ জন শ্ৰমিকক এতিয়াও উদ্ধাৰ কৰিব পৰা নাই উদ্ধাৰকাৰী দলে। …
‘মন কী বাত’ত ধুবুৰীৰ পুতলা উদ্যোগৰ প্ৰশংসাত পঞ্চমুখ প্ৰধানমন্ত্ৰী মোডী
প্ৰধানমন্ত্ৰী নৰেন্দ্ৰ মোডীয়ে আজি অল ইণ্ডিয়া ৰেডিঅ’যোগে তেওঁৰ অতি জনপ্ৰিয় অনুষ্ঠান ‘মন কী বাত’ সম্প্ৰচাৰ কৰে। ৬৮ সংখ্যক ‘মন কী বাত’ অনুষ্ঠানত…
দিল্লী আৰু পশ্চিম বংগতো জ্বলিছে নাগৰিকত্ব (সংশোধন) আইনৰ জুই; বাছ, ট্ৰেইন, গাড়ী ভস্মীভূত
অসমৰ সমান্তৰালভাৱে নাগৰিকত্ব (সংশোধন) আইনৰ বিৰোধিতাত আজি দিল্লী আৰু পশ্চিম বংগৰ পৰিস্থিতি উত্তপ্ত হৈ পৰে। পশ্চিম বংগত প্ৰতিবাদকাৰীয়ে বাছ, ৰেইল জ্বলাই দিয়াৰ…
চহিদৰ তেজ কেতিয়াও অথলে যাবলৈ নিদিওঁ; ইশ্বৰ নায়কৰ বাসগৃহত আছুৰ মুখ্য উপদেষ্টা
নাগৰিকত্ব (সংশোধনী) আইন বিৰোধী আন্দোলনৰ সময়ত গুৱাহাটীত নিৰাপত্তাৰক্ষীৰ গুলীত চহিদ হোৱা ইশ্বৰ নায়কৰ ঘৰত বৃহস্পতিবাৰে উপস্থিত হয় সদৌ অসম ছাত্ৰ সন্থাৰ মুখ্য…