‘হাউডি মোদী!’; আমেৰিকাত অসমীয়াতো ক’লে ‘সব ঠিকে আছে’

‘সব ঠিকে আছে’, আমেৰিকা যুক্তৰাষ্ট্ৰৰ হিউষ্টনৰ NRG ষ্টেডিয়ামত গোট খোৱা হাজাৰ হাজাৰ প্ৰৱাসী ভাৰতীয়ক উদ্দেশ্যি অসমীয়াকে ধৰি ৮টা ভাষাত এইদৰে ক’লে প্ৰধান মন্ত্ৰী মোদীয়ে।

দেওবাৰে হিউষ্টনত থকা প্ৰৱাসী ভাৰতীয়সকলে আয়োজন কৰা ‘হাউডি মোদী!’ অনুষ্ঠানত মোদী এইদৰে কয়, ‘হাউডি মোদী!’ মানে ‘হাউ ডু ইউ ডু, মোদী?’

প্ৰবাসী ভাৰতীয়সকলৰ ‘হাউডি মোদী!’ৰ প্ৰত্যুতৰত তেওঁলোকক আশ্বস্ত কৰি অসমীয়াকে ধৰি ভাৰতৰ প্ৰায় ৮টা আঞ্চলিক ভাষাত মোদীয়ে কয়, ‘সব ঠিকে আছে’।

সেই সময়ত ৫০,০০০ হাজাৰ দৰ্শকৰ মাজত উপস্থিত আছিল আমেৰিকাৰ ৰাষ্ট্ৰপতি ডনাল্ড ট্ৰাম্পো।

‘যিহেতু আপোনালোকে সুধিলে ‘হাউডি মোদী!’, মোৰ উত্তৰ হৈছে ভাৰতত সব ঠিকে আছে’ মোদীয়ে কয়।

অসমীয়াৰ উপৰি পঞ্জাৱী, গুজৰাটি, বেংগলী ইত্যাদি কেইবাটাও ভাষাত সঁহাৰি জনাই মোদীয়ে লগতে কয়, ‘এই বৈচিত্ৰ্যই হৈছে আমাৰ স্পন্দিত গণতন্ত্ৰৰ মূল ভিত্তি’।

উল্লেখযোগ্য যে নৰেন্দ্ৰ মোদীৰ ভমণক কেন্দ্ৰ কৰি কালি ‘মোদী! মোদী!’ হৰ্ষধ্বনিৰে ৰজনজনাই উঠে হিউষ্টনৰ আকাশ-বতাহ।

দ্বিতীয় বাৰৰ বাবে দেশৰ প্ৰধান মন্ত্ৰী হিচাপে নিৰ্বাচিত হোৱাৰ পিছত এইয়া মোদীৰ প্ৰথমটো আমেৰিকা যুক্তৰাষ্ট্ৰ ভ্ৰমণ।