Xiaomi–এ আজি ভাৰতত মুকলি কৰিব 64MP কেমেৰাযুক্ত অত্যাধুনিক মোবাইল

আজি ভাৰতত মুকলি হ’ব Redmi Note 8 Pro। ইতিমধ্যে চীনত মুকলি কৰি দিয়া এই ফোনটোত Helio G90T প্ৰচেছৰ, 64MP প্ৰাইমাৰি ছেঞ্চৰৰ লগতে কোৱাদ কেমেৰা ছেটআপ আৰু ৪,৫০০mAhৰ বেটেৰী দিয়া হৈছে।

এই ফোনটো মুকলিৰ বাবে আজি দুপৰীয়া ১২ বজাৰ পৰা এটা অনুষ্ঠানৰ আয়োজন কৰা হৈছে। এই অনুষ্ঠানতে চাওমিয়ে একেলগে মুকলি কৰিব MIUI 11 Global ROM।

এই পৰ্যন্ত ফোনটোৰ বজাৰ মূল্য জানিব পৰা হোৱা নাই। কিন্তু মুকলিৰ সময়ত ইয়াৰ মূল্য আৰু ক’ত ক’ত ফোনটো উপলব্ধ হ’ব সেই বিষয়ে জনাব। এমাজন আৰু চাওমিৰ ৱেবছাইটত উপলব্ধ হ’ব বুলি জানিব পৰা গৈছে।

ইফালে ভাৰতত এই ফোনটোৰ বজাৰ মূল্য চীনৰ সৈতে প্ৰায় একে হ’ব বুলি ধাৰণা কৰা হৈছে। চীনত Redmi Note 8 Proৰ 6GB আৰু 64GB মডেলটোৰ মূল্য CNY 1,399 (ভাৰতত প্ৰায় ১৪,০০০ টকা), 6GB আৰু 128GB মডেলটোৰ মূল্য CNY1,599 (ভাৰতত প্ৰায় ১৬,০০০ টকা) আৰু 8GB আৰু 128GB মডেলটোৰ মূল্য CNY 1,799 (ভাৰতত প্ৰায় ১৮,০০০ টকা) ধাৰ্য কৰা হৈছে।

Redmi Note 8 Proৰ কেইটামান বিশেষ ফিচাৰ্ছ

৬.৫৩ ইঞ্চিৰ ফুল HD+ ডিছপ্লে

MediaTek Helio G90T প্ৰচেছৰ, ৮ জিবি ৰেম, ৪,৫০০mAhৰ বেটেৰী

৬৪ মেগাপিক্সেলৰ প্ৰাইমাৰি কেমেৰা, ২০ মেগা পিক্সেলৰ সৈতে ফ্ৰণ্ট কেমেৰা

ইয়াৰ উপৰি আন বহুতো আকৰ্ষণীয় ফিচাৰ্ছ অন্তৰ্ভুক্ত কৰা হৈছে চাওমিৰ Redmi Note 8 Pro ফোনটোত।